Kleef
Jy pluk papiere van my hart se lyn
Lag dan oopbek
verstrooi in wind, verdwyn.
Palms gedraai na bo
Reis saam langs lewenslyn op droë
paaie droë paaie, droog.
Lip-erosie, sout voue, klankloos die kreet
Pendoring in my denker, swart my reëns se boog
Uitgespoeg met naelstring om my asem vergeet.
Perikardium skeur tot anderkant die blou kolom
Ponytail, sproetgevreet, suikerklont se siembamba
Marsjeer met bebloede voete, lokval die waarom
Bloei leeg op jou heup soos jy my abba.
