Foto: Canva.com
Keuses
Ons weet nie wat ons wil hê nie,
sê die mense wat gemaklik
agteroorsit in hulle eie huis.
Ons gee te vinnig op,
is te besluiteloos
uitsigloos
en verwaarloos ons toekoms
wanneer ons liggame nie meer
die punch kan vat nie.
Iemand het gevra:
“hoekom is ons generasie so moeg?”
Want,
my hart brand
om slimmer te wees
en generational curses te breek met kwalifikasies.
Maar
my maag brand, boeta!
Wanneer ek die yskas oopmaak
en slegs ʼn bottel koue water kry
wat die realiteit makliker by my keel af laat gly.
En my maag protesteer,
brom dan dat ek twee werke op een slag moet doen.
So, nee meneer
ek’s nie moeg nie,
die frustrasie vreet nie aan my keelspiere nie,
ek’s ʼn wil-nie-werker
en ja
ek weet glad nie wat ek wil hê nie.
Is die droom dan belangriker as realiteit?
Kommentaar
Great gedig! Duidelike beelde, en die realisme maak dat mens dit selfs beter kan sien. Dis iets waarmee baie kan relate, maar u beskryf dit die beste. Ek hou van die afsluitingsreël, dit laat mens wonder. Amazing dat so 'n klein stukkie literatuur iemand se hele lewe in woorde kan omskryf. Baie goed gedaan, juff!
Dit is so waar en so mooi gesê. Ek is mal oor hierdie stuk.