Litnet

Jaco,

Dankie, vir jou openhartige brief.

Eers wil ek graag deel met die kwessie van die evolusie, wat jy aanspreek.

Ek dink die gelowiges wat die evolusieleer aanhang, doen dit omdat hulle mislei is deur die evolusioniste. Daar is wel sulke gelowiges, tragies genoeg. Maar, as jy ’n ware evolusionis met jou sienswyse nader, sal hy jou uitlag en agteraf waarskynlik beledig en verkleineer, as hy dit nie vir jou in jou gesig doen, nie. Vir die ware evolusionis bestaan die Godheid nie en alhoewel hulle nie weet waar die lewe ontstaan het nie, weier hulle om die Godheid as Skepper as ten minste ’n waarskynlike opsie, selfs te oorweeg. Waarom só? Omdat evolusie nie werklik wetenskap is nie, maar ’n sekulêre naturalistiese religie wat gedien en geglo word in die plek van God en Sy Woord en Heilige Gees – vra hulle oor die Heilige Gees in mense se lewens en hulle sal jou bespot en vertel hoe jy hallusineer en jou verbeel, want in hulle sekulêre naturalistiese religie van evolusie gepaard met agnostisisme (veral ateïsme) – want die twee gaan hand aan hand – is daar geen plek vir enige spirituele (hulle verwys daarna as ’bonatuurlike’) ervaring, nie.

Spiritualiteit is dus nie so 'bonatuurlik' nie, maar is natuurlik deel van die mens se geheelwese. Dit is omdat die Goddeloses die werking daarvan nie kan of wil verstaan nie, dat hulle dit as 'bonatuurlik' probeer afmaak.

Jy is dus, ongelukkig, ook mislei deur die oppervlakkige verskynsels van die evolusieleer, terwyl die besonderhede en doel daarvan, jou as gelowige, verloën. En daarmee word die God, die Skepper, van Wie jy ook wil getuig, verloën.

So, wat van die fisiologiese biologiese ooreenkomstige kenmerke tussen mens en diere?

Ons almal aanvaar dat daar talle fisiologiese ooreenkomste tussen mense en diere is en só ook gewerweldes. Maar, dit is te wagte, want in die Woord, in Genesis, word ons geleer dat God alles geskape het uit dieselfde grondstowwe – naamlik natuurlike elemente wat op aarde aangetref, word. Maar, God leer ons ook dat HY die soorte apart geskape het – en dít is waar die evolusieleer klaaglik faal. Hulle sal vir jou moet erken dat hulle al miljoene fossiele ontdek het, maar nog nooit kon hulle werklik oorgangsfossiele – van een soort na ’n ander, van die talle verskillende soorte wat bestaan, vind nie – omdat dit nié bestaan, nie. Maar dié fondse bevestig wel die Woord, Wie vir ons leer dat die soorte apart is en altyd was.

So ook met die mens en die ape, byvoorbeeld. Dit is te verstane dat daar baie fisiologiese ooreenkomste sal wees, omdat eers die diere en toe die mens, geskape is uit die aarde. Boonop is hulle geskape om dieselfde habitat te deel, maar die mens het, ten spyte daarvan dat hy nog altyd fisies die swakkere was, met sy God gegewe intelligensie oorleef en oorheers! Dus, die fossielrekord bevestig vir ons dat diere eers geskep is en mense later, nes die Woord in Genesis vir ons leer. Onthou dat Charles Darwin eers ’n teologie student was – hy het dus geweet hoe om sy ateïstiese evolusieleer se religieuse hipotese en filosofieë te plooi om nie die natuurlike verskynsels te weerspreek nie – en hoe die natuurlike verskynsels oorhoofs sou verloop, kon hy uit die Woord voorspel en het hy sy evolusie leerstuk geplooi om daarby in te pas. Die hipotese, wat God as Skepper volkome uitsluit, is steeds hipotese en kon na al die eeue, nie bewys word nie – want die Woord is waar en die evolusieleer is ’n leuen wat op die fisiologiese biologie teer om aan die lewe te bly.

As mens dus die Woord in ag neem, is dit te verstane dat daar báie ooreenkomste in die fisiologie tussen die verskillende skepsels sal bestaan – en só tref ons dit ook aan. Maar die Woord gaan vêrder – die mens is die kroon van daardie skepping met sy unieke en besonderse Goddelike gawes en vermoëns wat hul van die begin af van alle ander skepsels onderskei – en die biologies en antropologiese geskiedenis bevestig dit óók.

Dus, die Woord – na alles God se opgetekende Woord, deur die inspirasie van Sy Heilige Gees opgeteken - is die konsekwent betroubare, terwyl die evolusieleer al onherkenbaar verwring is om by die werklikheid te probeer tred hou soos dit bekend word. Jy sal sien – dáár waar dit werklik ’n verskil sal maak, by die sielkunde, psigologie, die metafisiese en die spirituele – dáár bly die evolusioniste weg want dar sal hulle moet toegee dat die mens nog nooit iets anders was as oorspronklik mens, nie – met Goddelike gawes.

Jy sal nie diere kry wat sielkundige probleme opdoen soos mense, nie. Hulle word nie deur demonisering geteister, so mense, nie. Dus, as mens uit dier geëvolueer het, sou die mens ook nie sulke kwesbaarheid hê, nie.

Van sielkunde gepraat – jy noem al die fisiologiese kenmerke van sielkundige werking maar al wat jy daarby moet bybring om dit werklik te probeer verstaan, is die spirituele oorsaak, daarvan. Dit is ook waar engele, demone en die satan, betrokke is. Aanvaar maar dat daar talle spirituele wesens bestaan wat jy nie kan sien nie (hulle is energieke wesens en jy kan elektrisiteitsenergie óók nie sien, nie) maar jy kan hulle invloed op mense wél sien (nes jy die invloed van elektrisiteit óók kan sien). God is die hoogste Spirituele Wese, die Begin en die Skepper van alles.

Die Heilige Gees van God, na Wie jy tereg streef, is juis die Allerheiligste Spirituele Godheid en HY funksioneer in Sy interaksie met ons, nié sonder die Woord, nie (Efesiërs 6:17). By diere vind ons dit mos glad nie. Dit is omdat die mens oorspronklik met daardie spirituele vermoë geskape, is (en die Woord bevestig dit - Genesis 1:26-27). Die evolusioniste het geen wetenskaplike teenvoeter daarvoor, nie.

Dus, respekteer gerus die Woord (soos opgeteken en aangevul deur die Heilige Gees) – die Woord het die manier om Sy essensie altyd reg te bewys, want die Woord is Waarheid – en dit gebeur met die werklike, feitelike bevindinge in die wetenskap en biologie (gestroop van die onsinnige onbewysbare hipotese), ook.

Jy strewe om nader te beweeg aan God en die Heilige Gees is prysenswaardig en wys. Moet jou nie onderweg laat mislei deur antagoniste van God en hulle leerstellings, nie – want hulle leerstellings is geontwerp en bereken om hulle Goddelose en Godloënende missie te dien en ander met ’n fineer van werklikheid te mislei - omdat hulle self ook mislei is en mislei wil wees.

Daar is ’n waarskuwing in die Woord – jy moet as gelowige op jou pos wees:

1 Petrus 5:8 Wees nugter en waaksaam, want julle teëstander, die duiwel, loop rond soos ’n brullende leeu en soek wie hy kan verslind. 9 Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is.”
Moenie probeer om jou spirituele vyand, die duiwel - satan en sy demone - te ontken, nie. Daar is geeneen so kwesbaar soos die een wat meen sy vyand bestaan, nie…

Jy kan nie die Woord sif, nie. Die Woord in die geheel daarvan is essensieel goed en waar. Dar sal uiteraard dinge wees wat jy nie verstaan nie – wees lankmoedig en getrou in jou geloof daarvan, want ek verseker jou dat jy mettertyd op jou geloofspad die antwoorde algar by die HERE, by die Heilige Gees, sal vind – dit is hoe dit werk.

Iemand wat op die Weg van die HERE bly, is inderdaad verseker van sy saligheid.

Terloops – jy haal Arthur C Clarke aan wat gesê het "toorkuns is net fisika wat ons nog nie verstaan nie" – dit beteken nie dat toorkuns nie bestaan nie, want dit bestaan (Spreuke 26:2; Deuteronomium 23:5), maar dit beteken dat jy (net nog nie) verstaan hoe dit werk, nie.

Moenie so sinies wees, dat jy selfs die Goeie Raad (die Woord) verwerp, nie. Dan werk dit teen jou – soos jy sê (net in ander woorde) – wat jy saai, sal jy maai (lees gerus meer daaroor by 2 Korinthiërs 2:6 en Galasiërs 6:7-9).

Groete en voorspoed op jou geloofspad.
Kobus de Klerk