vir Ingrid Jonker
Ingrid
Jy is nie dood nie
Nóg in Drieankerbaai
Nóg in jou woorde binne boeke
binne waters tussen wiere
Nóg in jou soeke
na ’n spasie tussen strate wat jou vure
en jou golwe en jou storms kon buite hou
Ingrid
Jy is nie dood nie
Nóg in jou roering binne harte
of jou gevoel vir aardse smarte
Nóg in jou trane en jou pleite en
Jou alleen gehamer teen geslote deure
Ingrid
Jou binne-lewe was ’n oorlewingsgeveg
Dit was werklik als te veel
En al is jy nie dood nie
is ek jammer jy is weg.
Kommentaar
Hierdie is geweldig treffend!
Jonker sou ook al 86 gewees het vanjaar. Nie meer so 'jonk' nie 😉
Wie het geweet sy is gebore in Douglas se wereld - ook dus van ons mooie Noord-Kaap.
WOW !!! Dis skitterend! Presies wat ek ervaar wanneer ek haar woorde lees.
Mooi
Dankie Mense, groot waardering.
Dankie. So mooi.
Wonderlik!
Ek kan net se Wow en herleef haar werke.
Baie dankie aan almal vir jul gawe woorde. Dit word opreg waardeer.