Foto: Canva.com
in gesprek
god sit êrens en staar na ons
doen en late in Afrika-strate – ek voer
gesprekke met hom
hondsbrutaal vra ek:
wat van Hillbrow en die Kaapse Vlakte?
Hou jy daar ook ’n oog en hand
of net voet in die mond?
ek dink hy aanskou alles
of dalk sit hy nes ons
starend na ’n verligte
foonskerm iewers in die donker.
Kommentaar
In die maag, voortande uit, pyn wat steek in die oog - 'n spieelbeeld (hier uit die donker).
Ek is seker God skud ook Sy kop, 'n traan loop oor Sy wang oor die mens se brutale wreedheid teenoor mekaar en hul vernielsugtighed teenoor Sy skepping.