Huise van Glas
Remmend aan die arm
Geen erbarm
Voortgesleep
Haar menswees
afgereep
Maak alarm
die hele kasarm
Voor die Man word sy neergegooi
Laat ons sien hoe Hy Hom hier ontplooi
Op heterdaad betrap
Laat die gebod klap
Moses sê sy moet vrek
Sy’s drek
Gooi die eerste klip
Jy, met heilige lip
Terwyl Hy hul sondes in die sand neerskryf
Begin almal wegdryf
Waar’s die glashuisbewoners?
Al die honers?
Hul vensters sal breek
Sou hul hul hand na ? klip uitsteek
My bloed word gegiet
Nie verniet
Gaan leef
Ek vergeef
Ek vergeef
Ek vergeef
Teken in op LitNet se gratis weeklikse nuusbrief. | Sign up for LitNet's free weekly newsletter.