My liefie
vir ons het jy ’n huisie
getimmertok
en ek het in die nessie
’n eiertjie probeer lê
maar ons ou huisie my lief
bly hardnekkig ’n leë hok
en ek weet dat ons
soveel meer as net ’n huisie wil hê
maar hoe ons ook probeer
om nes te skrop
en ander kuikens in ons huisie te lok
moet ons dalk net weet
iemand het ons gedrop
Die geel huis
Die vrou met die rooi oë
en die bitsige tong
bly in die geel huis
stoepe
vee die eindelose
stoepe
die vrou skreeu
die vorige dag hang
nog aan die bad se rand
die vrou gil
sy is kwaad
Wat gaan dit wees?
’n vuishou in die maag ...
maak die venster oop
hardloop al langs
die paadjie
tot diep in die bos
In die geel huis
bly die vrou
met haar donker hart
sy jaag die kinders weg ...
Huis Paleis
spaarkamer, babakamer
hang ’n gordyntjie hier
verf ’n bietjie kleur daar
kom ons kyk wat bring
hierdie jaar
Huis Paleis
teen die muur plak
ons ’n speelgoed-stad
op die bed luier vet-pienk skape
vakerig, dromerig op die tafel sit
’n geel-oog kat
Huis Paleis
babas het ’n prys ...
Mag ek binnekom?
Wil jy hê ek moet
my koffer in jou
huis uitpak?
of moet ek inkom
sonder my koffer
sê my
Klik hier vir volledige inligting oor die kompetisie.
Klik hier om ander inskrywings te lees.
