My huisie was ’n krot
vier mure en ’n vloer
want ons twee was bankrot
en ons drome moes maar sloer
Met ons hande het ons gebou
en met hoop het ons geveg
op geloof het ons vertrou
en so kry ons dit toe reg
Met bloed en met sweet
het ons die geveg gewen
beplan en gemeet
sukses het ons leer ken
Twintig jaar later
staan ons huis nog sterk
’n gehuil en ’n geskater
beskerm deur ’n Engel se vlerk
Stories vasgevang tussen die mure
oomblikke van tyd in ’n raam
son en maan tussen die bure
is dit ons huis wat steeds bly staan
Klik hier vir volledige inligting oor die kompetisie.
Klik hier om ander inskrywings te lees.
