Huis, woning, tuiste: Klein-Karoo-huis

  • 0

Klein-Karoo-huis

Gebore tussen kranse en berghange in die stille Klein-Karoo-huis
op Breipaalplaas groot geword as kind so tuis
dis hier wat ...
haar stem  die soetste harmonie word in  die wind
as sy sing begin die voëltjies te luister
as sy praat begin die bome en bosse te fluister

met glinsterende blink oë soos die môrester
is haar hart en gedagte tog so ver
kyk en sien die lewe as 'n duur juweel
dis hier wat ...
wat sy  glo!!! niemand sal dit steel
as sy verdwyn agter die Langeberg besoek aflê by Riebeeck-Kasteel

wanneer sy verlang na die Klein-Karoo-dagbreek se hoenderkraai
en onthou van koringlande ploeg, oes en saai
dis hier ...
waar die son soet opkom, en die donker nag 'geluide' groet
smôrens-oggendgalms van karringmelkbeskuit en moerkoffie soet

Ek verlang na die lang uitgestrekte stofpad wat ek moes loop
as kaalvoetskooldogter van hoop
Dis hier ...
wat ons baljaar in ’n groot sementdam, en rooiwang-appelkose eet
my dae as kind op Breipaalplaas in die Klein-Karoo sal ek nooit vergeet

Ek mis die wit gekalkte huis
en my liefste moederhart so tuis.


 

Klik hier vir volledige inligting oor die kompetisie.
Klik hier om ander inskrywings te lees.

huis1_650

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top