Huis
my huis
dra ek saam met my heen
oor berg en dal
van Oseaan
tot by
uitgestrekte, dorre, vlakte
van vrugbare, vredevolle, valleie
tot by
die Miernes van metaal en beton
in mekaar is ons verweef
soms moet hy my
en ander kere
ek hom
vergeef
vorentoe beur die lewe
met my
dit is DAN
wanneer ek
hom moet o
n
t
w
o
r
t
e
l
weg van alles
wat hom vrede gee
weg van alles
wat hom lewe gee
word dit
uitgepluis ...
waar ons saam is
is Huis
huis van weelde
Jy kan dit nie mis...
die hoë pilare
die pynlik netjiese tuin
die paadjie na die huis se teëls is bruin
die breë voordeur van dik, swaar hout
die vensterrame van glinsterende goud
waar ek kiertsregop sit
op die peperduur leer
is dit vriesend koud
Onaansienlik is
die diamantdraad wat skewerig lê
die halfversorgde tuin
die paadjie na die huis se besmeerde beton is bruin
die standaard voordeur van geriffelde glas
die vensterrame van geroeste wit
waar ek knus, ontspanne sit
op die gelaste lap
is dit veilig en warm
Hierdie mense
Hierdie huis
is werklikwaar
nie arm
Klik hier vir volledige inligting oor die kompetisie.
Klik hier om ander inskrywings te lees.
