HOOGTY
Foto: Canva
jy hoor jong dolfyne
koes weg uit valsbaai
laat die versteurde oues
agter in die vuil
en die gemors met die geraas
asof kadawers nou jeuk van die dood
skuur die dooie
robbe
wat by kalkbaai in die hawewater
dobber
aan teen die harde
rompe
van visserskuite
vir foto’s tel toeriste by boulders
heel klein pikkewynkuikens effens
van die strand af op
pas uitgebroei
maar sonder voete
aan die kuslyn van kampsbaai
word riool met springgety
siedend verder uitgewerp
land in
na die naaste mense
die see begin teruggee
dit wat ons aan haar bemaak het