Hierdie kop

  • 1

Foto: Canva.com

Hierdie kop

Ek staan op met hierdie kop 
sit hom voor die rekenaar 
begin dan stadig bloei 
om iets te groei uit verwarring

wat die hele nag so karring 
oor reg en verkeerd wat reg is 
oor alles verkeerd wat sleg is 
oor my oordeel wat so weg is

soos ek bloei 
groei my gedigte stadig 
om dit weer te gaan plant 
in ander wat dit lees

om te leer en te ly 
met alles wat ek verniet kry 
as dit verby vlieg in gedagtes 
wat saggies wysheid fluister

dit is saad verniet gekry 
dan verniet weggegee 
vir hulle wat dit nodig het 
om ook te kan bloei.

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top