Foto: Canva
Hierdie is nie ’n gedig nie
Hierdie is nie ’n gedig nie
dis ’n gedag wat té en wat knoei
dis ’n klop wat koppig soek na
die “reset”-knop wat wegmaak met die stoei.
Hierdie is nie ’n gedig nie
dis woorde wat grypend spoel
hulle kan nie danig iets sê nie
maar gee die kop ’n ligter gevoel.
Hierdie is nie ’n gedig nie
dis ’n loflied; dis ’n sug
dis ’n rym wat ek kinderlik gee aan die
asem uit die lug.
Kommentaar
ja nee basta dan
met gryp en stoei
en klippe skoon gespoel
lig jou kop asof gevul
met nuwe data
uit jou asemsfeer
ignoreer die rym
dis asem van n spook
klaar geknoei
sonder doel maar
kom maar weer
nog 'n keer dit werk
teen heet en lighoofdighreid
so dis jou woordstroom
wat klakkeloos na sy eie
kabbel soek- breek die reel
en los die asem stoei met
woordgestring wat nog heet
nog lighoofdigheid bring
maak los daai lied in jou kop
en maak van lof 'n triomf
dis tyd vir losbreek na jou
eie reset plek- net skuins verby
breeknekdraai