Hier op die rotse

  • 2

Foto: Canva.com

Hier op die rotse
Hier op die rotse
het sy duskant die lighuis gelê
die branders was te woes
die winde was te sterk

haar roer het gebreek 
haar in die steek gelaat 
sodat sy verdwaal het 
op die rotse beland het

hier op die rotse 
het sy gelê en doodbloei 
sy kon voel hoe die lewe wegdryf 
uit haar brose liggaam uit

later het haar polse leeggeloop 
haar bloed opgeraak 
oop oë het hulle haar gekry 
daardie oggend 
dood – leeg gebloei

oor ’n lewe wat net te veel was 
oor ’n liefde wat gebreek was 
hier op die rotse 
is sy daardie nag hier weg

na ’n ander baai 
waar nie hartseer is nie 
waar sy hierdie lewe 
nie sal mis nie.

  • 2

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top