Herme

  • 0

Haaiklip, Port Elizabeth, Sondag, 16 Augustus 1998

Ek beur in teen ‘n ysige wind-
winter, my tepels & sinne op-
geprik. Verskuild

onder die esplanade
‘n ou seebonk met drie brakke
wat homself opvryf

deur dik verweerde koord-
fluweel, sy oë waterig,
twee sandsteenpoele

in ‘n windgebeitelde gesig.
By die vlooimark koop ek
‘n ruwe Middeleeuse kruis

& leer opnuut ou gode prys.

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top