Foto: Canva
Hekelstories
Moenie huil nie, mamma
Ek huil nie lank nie
Al sit die trane vlak
Ek hekel nog ’n mannetjie
Hy smile vanaand
Sy steke effe krom
Moenie huil nie
Ons maak ons eie monsters op
en myne is net vol stuffing
Sy groen ogies terg my
maar sy arms is stil
Ek kan hom op die kas sit
Of onder my kussing
en lekker lag
Oor sy krom ore
Hy skree dalk in die nag
en vertrap my drome
en dink hy is groot
As hy my vlerke krap
Maar ek vang hom in die daglig
Strik hom vas
Hang hom aan ons boom
En na Kersdag haal ek hom af
Kommentaar
Jy skep uit eenvoud diepe denke.
Baie dankie. xo