Hartland
My hart trek punt en die verlange loop vêr
tot daar waar skaap- en boklammers blêr
Ek smag na my droë, dorstige land
Namakwaland, my hart se pand
Vlae reën stuif oor laagte, rantjie en kop
en die dorre aarde slurp dit gulsig op
Deur 'n skeur in Sy saaisak het saad gestort
en die velde omheen het kleur geword
Die wêreld's gebaai in wit , goud en pers
dis 'n Josefskleed, 'n blomkombers
So verloor ek my smart in gousblom se hart
Ek's gelukkig, tevrede, soos lank, lank gelede
Teken in op LitNet se gratis weeklikse nuusbrief. | Sign up for LitNet's free weekly newsletter.