Haikoe-kompetisie: "Rooidata" (7 haikoes uit ? string) deur René Bohnen

  • 0

 

Wielewaal se fluit
oorwinter in Afrika
Koperkraan wat lek

 

Die indigo plant
en misgordel-skoenlappers
sterf in pas-de-deux

 

Vars dodemasker
Ou renoster geen horing
Hierdie wit bladsy

 

Alleen op die plaas
dans kraanvoëls op dun bene
in die lang rondeel

 

Amfiteater
Klein blouswael in sy kispak
swiep oor die veerman

 

Rooi koraalbome
Kil briesie in ambergras
Mierkaravane

 

Die moederplant brand
in haar blou koepel van glas
Verse is fynbos


Teken in op LitNet se gratis weeklikse nuusbrief. | Sign up for LitNet's free weekly newsletter.

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top