’n haai in die baai
los sy tatoeëermerke
in my branderplank
twee duisend en ses
haikoes fladder oujaar uit
vliegtend na sewe
tussen marmerklip
Grieks versierde pilare
blits jy die mode
tussen Nederland
Suid-Afrika vlieg swaels
tussen seisoene
glimlag op stelte
soos die son hul koppe draai
mý sonneblomme
dooie diere in
ys gegiet soos geraamtes
in Neanderdal
vissersnet in son
stal rye boggempies uit
stank laat sneesdoek gryp
weke voor die tyd
eienaardige gedrag
slang sê: “Aardbewing!”
sing jou lied brander
bo die gekras van die meeu
verf my lippe sout
die kaktuspers blom
staan in volle swier voor son
skemeraand verlep
voëls fladder skrik
daar is ’n slang in die gras
alle rus verstoor
’n kwikkie tik-tik
aan my badkamervenster
glimlag vir die dag
een stikdonker wolk
’n wind swiep deur kaggelvuur
’n haelkorrel lag
inkvis het verdwyn
Manta het die seedruiwe
van seegras kom steel
teen huis se muur rank
jou suiertjies verander
my huis geel na groen
ronde wit kersbol
in ’n geelruiker versier
pragdood vir mensmot
een druppel gevries
’n deurskynende mespunt
hang in die spelonk
duisend eiertjies
wêreld vol spinnekoppe
losgelaat vir gil
verkleurmannetjie
draai sy mantel na die wind
wolwe mag hom gryp
jou kloue gryp die
vis uit die rivier of see
prag volmaakte kiek
mooie see arend
olie gif in see rivier
sal jy dit oorleef?
hoe lank gaan jy staan
onder jou wortels bloekom
hoeveel geslagte?
verpletter verslaan
al my beeste is geraak
deur die Ooskuskoors
na elk natuurbrand
verrys nuwe lewe bo
as roet Myrista
bring my kanarie
goudgeel klanke somerson
kelk Mariah Carey
voëls tjirp nie meer
rye derms op hakiesdraad
boodskap: janfiskaal
té laat die redding
haarskroei van ’n brandslaner
sy skoene in as
rustigheid self waar
’n trop olifante wei
in tapisserie
onderstebo hang
een vlermuis met grote oog
skemeraand sê nag
op die skoppelmaai
sit nou ’n vlinder waar jou
silhoeët eens was
bo die kosyn hang
jy spinnerak jou baas het
gaan nes vér van hier
roosblaar vol gate
in my groen tuintjie loop twee
rye silwer spoor
in die begraafplaas
op slap draad gebreekte muur
hoe-hoe die naguil
baba-slangetjie
in my sink verskrik spoel ek
hom af in die drein
agter die glimlag
agter die skerp vuil tandjies
lê by se angel
moerbeiboomblare
voed die sywurm en kokon
harte toegespin
in glanskeramiek
lê ons verlore liefde
swart houtskool versier
muskiet jou vabond
ek sal sitronella bring
om jou weg te hou
formasieryers
in gelid soos soldate
die mens staar langoog
verdiep in stilte
’n skielike blaarrukwind
laat my verskrik kyk
heerlike poeding
alles bederf deur een groen
vieslike brommer
naak geskroeide boom
in die woestyn gooi skadu
oor ’n akkedis
’n vreemde geluid
vreemde voël moes verdwaal
na sy habitat
see sonsondergang
rye voete oë staar
versteen verswelg sjoe!
kolonie gevorm
in ondergrondse tonnels
deur die prêriehond
nektar van aalwyn
in droë wintermaande
bly die lewenslyn
