haikoe 1
haikoes maak hy staan
`n kapstok om sy kommer
naglank aan te hang
haikoe 2
die kokerboom sug
val teen Richtersberg se rug
`n gat in die lug
haikoe 3
die vuurhoutjiebos
vlam so fel vanjaar
vonke sputter in my los
haikoe 4
die vinknessie hang
klein planeet in die heelal
`n bondeltjie bang
haikoe 5
die mank tarentaal
kloekroep, swets, skree halt
vaal veertjies op asfalt
haikoe 6
die driedoringbos
strooi confetti na die son
wrede bruidegom
haikoe 7
bleek ster in die lug
breek los, trek `n streep
deur Venus se gevreet
haikoe 8
twee skoenlappers fladder vry
deur die stroewe lug
tussen jou en my
haikoe 9
die swerfswael messel
`n laaste droom uit haar bek
voor sy sonlangs vertrek
haikoe 10
`n bros spens vol son
kokerboom bêre daarin
`n bottergeel blom
