Die trane rol saggies
oor die gesig van Afrika
Die droogte is gebreek
Sy vra vergifnis
en troos die dier wat versmoor
Die aasvoëls staan nader
Nuwe lewe bars
uit die are van die aarde
Die winter is dood
Die donderwolke
rol met ru geweld nader
Die boer glimlag tevrede
Die wolke bars uit
In ’n duisend kleure
’n dag is gebore
Sy gooi haar arms oop
Sy reik op na die hemel
Die stootskraper staan nader
