
Tyd
Swart geklotste rivierrotse
met waterstraatjies se naam
is tyd.
Broeiery
Jy boer beeste ek met woorde
kalwers, haikoes
ons heilige teelgoed.
Roete
Strooisels silwer goudgeel maan
geplaveide weë waardeur
ons woorde gaan
Wagters
Berg Nabome
silhoeët kandelare
wat die laaste lig vang
Voorsorg
My ketel sing
oor die hardekoolhout in my haard
hierdie winter


