1.
die wind fluister deur
pop'liere en ritsel jou naam
ek is lief vir jou
2.
spikkeleiers
in ’n knoes snoesige nessie
jy omsirkel my
3.
goudspikkels in die
Namib se uitgestrektheid
lag die warm son toe
4.
op ’n helder dag
vind ek jou gelukkig-bly
onder ’n kaal boom
5.
die smal bergpaadjies
slingerende boomtakke
’n eggo van jou
6.
die tjierie van ’n
lemoenduif se sagte roep
jou stem aai my gemoed
7.
wit huisies staan trots
styf langs mekaar ingeryg
teen die berg se hang
8.
wit populiere
met kaalgestroopte basse
ek leef in jou hand
9.
warm knus toegedraai
soos ’n brood wat rys en bak
leef ...
10.
ontploffing van onthou
klein skerfies onthou waai by
vensters van my hart in
11.
die reën spoel oor duine
donker kolle verskyn
kerf ou wonde oop
12.
die wintersneeu se kou
waai by my hartvensters
en oop voordeur in
13.
die koeie wei vreet-vreet
kraal toe en die middaguur
verdwynende mis
14.
blink doudruppels hang
aan Morning Glory-blare
fletsblou die helder lug
15.
more begin vlieg
gister reeds ver hiervandaan
die swaeltjies is weg
16.
berge en dale
lê almal toe onder ys
wit kombers van sneeu
17.
oranje, goud en pienk
hurk die son weswaarts
hy gaan om te slaap
18.
Tafelberg se mooi
nestel in my hartpunt
laat my ver verlang
19.
die blink van Kersfees
lê in ons gretige oë
knetterend van lewe ...
