Litnet

Gideon Joubert het in Die Groot Gedagte geskryf van die mens se beroering deur die see, skulpe optel, jut langs die water vir allerlei wat uitspoel - dis asof die mens 'n onlosmaaklike band met die see het, wat nie sondermeer verduidelik kan word nie. Hy praat van die teorie van die 'aquatic ape' - oermense wat in die vlak water geleef het, veilig van die roofvisse en die landjagters, wat dalk kan verduidelik hoekom ons regop loop nadat ons oerouers eers sterk arms vir boomklim gehad het en swak bene vir loop. Jou bekoring met die see laat my aan dit dink.