Litnet

Homoseksualiteit is ’n gegewe vanaf die menslike ontstaan.  Sedert die ontstaan van opgetekende geskiedenis, is melding van homoseksuele dade genoem. 

Hiermee bedoel ek nie “gay” in die moderne sin nie, maar dat homoseksualiteit vanaf ’n mindere tot ’n grotere mate, deel van die heteroseksuele gemeenskap se seksspyskaart gevorm het, hetsy vanaf ’n enkele voorval tot meer gereelde voorvalle oor ’n persoon se leeftyd.  Die uitsluitlike homoseksuele persoon was altyd, net soos vandag, ’n minderheid in die samelewing.  Dieselfde geld vir die uitsluitlike heteroseksuele persoon.

In baie gevalle was dit deur sekere gemeenskappe aangemoedig vir ’n spesifieke doel, soos die geval was met die antieke Grieke onder vele ander gemeenskappe, waar ’n puberteit seun met ’n jong voor getroude man in ’n verhouding moes verkeer, sodat die puberteit seun ’n “vakleerling” van die ouer persoon geword het in beroep en oorlogvoering.  Later was van die ouer persoon verwag om te trou, en vervang die seun op sy beurt sy voorganger se rol, met ’n nuwe inskrywing wat hy op sy beurt moes oplei.  In weermags-eenhede soos bv die bekende Spartane en Thebans-voorvalle, was kameraad-verhoudings aangemoedig, waar seks tussen die twee nie uitgesluit was nie, vir motivering ten doel dat gedurende die geveg, die een nie die ander weens lafhartigheid in die skande steek nie.  Selfs as getroude mans, was homoseksualiteit op die spyskaart beskikbaar, sonder om enige wenkbroue te laat lig.

Weens die aard van die samelewing, was daar altyd die vereiste dat almal uiteindelik vrou moes vat vir doeleindes om ’n nageslag te wek vir die voorbehoud en uitbreiding van die nasie of stam.  Selfs van uitsluitlike homoseksuele persone was verwag om te trou, en indien dit nie bo ’n afsny ouderdom, meestal 30, geskied het nie, was daar swaar strawwe opgelê.

Onder die Germane was die konsep van “manlikheid” tot die uiterste limiete gevoer, eintlik verafgod, (Thor, die oor-gespierde god met die slaghamer) sodat enige vorm van openbare emosies soos bv trane of uitskree in pyn, as nie-manlik beskou is.  Homoseksualiteit was geduld, solank jy jou manlikheid behou het om nie gepenetreer te word nie. Die wat gepenetreer was, is verewig daarna as onmanlik en met skande bejeën.  Gedurende oorlogvoering, het die Germane die verslane mans verkrag, om sodoende hulle van hulle “manlikheid” te ontneem en vir altyd in die skande te steek.  Die uitsondering onder die Germane was die Heruli, wat soos die antieke Grieke seksuele weermagskameraad verhouding gekweek het en vir dieselfde doel.
Onder die getroude Kelte, was openbare orgies tussen mans ’n gereelde verskynsel “Aristotle stated that the Celts esteemed homosexuality."[49] In addition, Diodorus Siculus wrote in the first century B.C., "The men are much keener on their own sex; they lie around on animal skins and enjoy themselves, with a lover on each side. Furthermore, this isn't looked down on, or regarded in any way disgraceful."[50] (History of homosexuality)
Eers na vele millennium in die menslike geskiedenis, verskyn die Joodse god skielik op die toneel, en die besluit dat daar te veel menswees onder die mense is en het besluit om sy menswees in te perk met vele Levitiese wetgewing en swaar strawwe vir enige ongehoorsaamheid daaraan, oa homoseksuele dade. 

Vanaf ’n piepklein onbenullige stamgod, groei Jahova se ondersteuning mettertyd wêreldwyd.  Almal, of jy jou voor hom vrywillig neerbuig of nie, moet nou aan sy wil gehoorsaam wees, en sy gesante is orals om vel toe te sien dat dit wel gebeur.  Mettertyd en na vele millenniums se ywerig en wrede vervolging van die wat die daad pleeg, kom daar opstand en word die militante gay-beweging uiteindelik gebore.  Ten spyte aan aanvanklike weerstand, val die een land na die ander onder die gay aanslag, om verdraagsaamheid teenoor homoseksualiteit te verseker.

In teenstelling met ’n leer wat ’n aanslag op ’n land maak, is die gay beweging ’n wakkerskrik wekroep onder die homoseksuele burgery wat ondergronds altyd daar was sedert die Joodse god sy verskyning op die menslike toneel gemaak en hulle onderdruk het. 

Nie soos ander volke wat deur nasate aangevul word nie, is gaywees ’n normale uitvloeisel van menslike seksuele gedrag.  Sodra die “mindset” van die gemeenskap verander tot wat dit was voor die Jehova verskynsel, sal die gay beweging vanself uitsterf, gesien dit dan net as ’n seksuele gedragsvorm van menswees gesien sal word, hetsy uitsluitlik, gereeld, ongereeld of glad nie be-oefen word nie.
Jaco Fourie