Foto: Canva
Gister en vandag
Vandag,
Die klein steentjie sit verbrokkel in my hand
En daar is nie troos nie
Soms is stukkend net te seer
Al skryf ons woorde in die sand
Vandag moet ek self kop oplig
Gordyne hang
Kaalvoet in die tuin
My eie skoenlapper vang
Ek knip die nuwe lap
Ryg die gare
Steek die naald dieper
Stik die blom en die blare
Vandag
In my tuin
In my stoel
Maak ek my eie gate heel
En loer deur die vensters
Waar gister sprokies steel
Kommentaar
Wat 'n talentvolle digter! Ek vertrou ons sal meer van haar poësie onder oë kry.
Met elke gedig wat ek van Catherine JvR lees, verwonder ek my aan haar beeldgebruik om unieke gedagtes voort te bring.
Baie dankie! Waardeer dit baie xo
Baie dankie. xoxo
Dit is pragtig in sy eenvoud! So sensitief en eerlik uitgebeeld!