Die sesde uitgawe van die HAT, uitgegee deur Pearson, is 25 Junie by die Tables@Nitída in Durbanville bekendgestel. By die geleentheid het redakteurs Jana Luther, Fred Pheiffer en Rufus Gouws gesels oor die HAT6.
Rufus Gouws gesels oor die waarde en doel van die HAT.
Die HAT6 het:
- 1 636 bladsye (200 meer as HAT5)
- 100 000 trefwoorde, kollokasies, uitdrukkings afleidings en samestellings
- 493 147 afsonderlike databasisvelde
- 128 408 woordverklarings
- 78 234 voorbeeldsinne en -frases
- 3 228 nuwe trefwoorde
- 5 365 nuwe betekenisonderskeidings
- 3 000 ouer woorde en uitdrukkings is uit die papierwoordeboek weggelaat, maar word aanlyn behou
- Totale woordtelling: 2,1 miljoen (HAT5: 1,5 miljoen).
Hilandi du Toit het die temalied van HAT6, "Dis my taal" geskryf. Dit word gesing deur Hilandi du Toit saam met die kletsrymer Linkris.
Die HAT6 word 15 Julie formeel by die Vryfees bekendgestel en sal van middel Julie in boekwinkels beskikbaar wees.