Lina Spies
Aarde na firmament
Lina Spies
Naledi
Lina Spies se 11de digbundel, Aarde na firmament, is kort na haar 83ste verjaarsdag op 16 Maart by La Sala op Stellenbosch bekendgestel. Naomi Bruwer het namens LitNet gaan foto’s neem.
Die bundel kan by Naledi se aanlyn winkel bestel word.
https://naledi.co.za/product/aarde-na-firmament/
Douglas en Carin Lawrie gesels met Rouston Gilfillan.
Danie van Wyk
Andries Visagie en Yves T’Sjoen
Nic de Jager
Jan Odendaal
Jean Oosthuizen
Hermann Giliomee
Willem Bester, Johan van Zyl en Peter van Noord
Louise Swanepoel was in beheer van boekverkope.
Hanno Cornelius, Johan Coetzee (Naledi) en Chris Jones. Die bundel is opgedra aan Hanno Cornelius, en Chris Jones het die gesprek met Lina Spies gevoer.
Adéle Steyn
Pieter Coertzen
Cas Wepener
La Sala (www.lasala44.com) het onlangs as funksielokaal op Stellenbosch oopgemaak.
Jean Oosthuizen wens Lina Spies geluk met die bundel.
Die bundel begin met die gedig “Genesis”, veral gepas as begin aangesien Lina Spies haarself as ‘n Ou Testamentiese gelowige beskou.
Genesis
Daagliks staan ek op die aarde
met sy mak diere en plantegroei
en verlustig my in die skoonheid daarvan
maar soms moet ek my in die wolke kry
om my geloof te behou in die mens
as bewaarder en nie as plunderaar
van die heerlikheid van die geseënde
Godgegewe verbondenheid aan mekaar
van mens en dier en plant
om weer op aarde vas te staan.
Vir Lina Spies is musiek onontbeerlik – sy kan nie sonder musiek lewe nie en sal geweldig eensaam en verlate voel as sy nie musiek het nie. Sy verwoord dit in die gedig “Musiek”:
Musiek
Musiek kan my teken
soos die son ’n blaar
al die sypelkante
van die self gesluit,
maar al die kanale
van hart en sinne oop:
Aar vir aar
sigbaar teen die blou
is ek deel van die ewigheid
en van nóú.
Chris Jones, Willem Botha en Lina Spies
Annemarie de Villiers
Volgens Lina Spies het sy glad nie die titel “Aarde na hemel” oorweeg nie, aangesien sy geen religieuse konnotasies aan die naam wou koppel nie. Die titel verwys letterlik na hierdie aarde en hierdie firmament. Volgens die WAT beteken firmament “uitspansel”, “sterrehemel” of “hemelgewelf”.
Lina Spies teken Danie van Wyk se bundel.
Johan Coetzee, Chris Jones, Hanno Cornelius, Lina Spies, Amelia Burger en Karen Cronje
Foto’s van Lina Spies saam met onderskeidelik Uys Krige en haar mentor, DJ Opperman.
Die bundel word afgesluit met die gedig “Onwetend”:
Onwetend
Die nadoodse grimeersessie gedaan
en die familiebesoek
van agtergeblewenes gebring,
sal iemand ’n laken oor my trek
en ek gereed wees om stof te word,
ingespit in die onheilstuin
wat ek, binne van pyn verskeur
of van vreugde oorstelp,
in al sy seisoene bewandel het.
Hier is jou naaste tak van Bargain Books
As jy nie die boek sien nie, vra gerus die personeel om dit te bestel.