Fees vir die aasvreters

  • 6

Foto: Canva.com

Fees vir die aasvreters (depressie)

ongenooid kom neem hul plaas 
aan die tafel van my gemoed 
maak hul ongevraagd tuis 
in die aansien van my oordeel

sleep vlerk oor my denke 
en kwyl toksien oor my wil 
met onlogiese wenke

aas aan my selfbeheersing 
verslind my selfagting 
en trap bloedspoor oor logika

hoe dan het dit gebeur 
dat ek my gemoedstafel 
so kon oopstel 
as feesmaal 
vir die aasvreters?

  • 6

Kommentaar

  • Avatar
    Johan van der Merwe

    Baie goed gestel, so baie mense vandag het te doen met hierdie aasvreters wat net alles wat mooi is in ons lewens kom bederf met hulle stink asems. Tog niks in die lewe gebeur ooit verniet nie.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top