Litnet

Foto: Canva.com

Ek het gedink ek lewe 
die dans en sing en vrolik wees 
die klingelende klank van glasies 
met die ysblokkies se klokkespel 
was die musiek van heel my lewensdans

en toe

het jy verskyn

en ek het net geweet 
dat ek tot daardie oomblik 
nooit geleef het nie 
dat niks wat was belangrik is nie 
want nou is elke oomblik saam met jou 
’n kosbare juweel in hierdie lewenskroon 
van saamwees

jy vul als wat leeg was 
maak my drome almal waar 
ek weet nou ek was verlore 
tot jy na my kom soek en my gevind het 
jy vervul al my beloftes 
jy’s die glimlag in my pyn 
jy’s die stortreën in my droogte 
die koel wind wat my laaf 
jou liefde is ’n snaarinstrument 
wat my met sy klanke rustig maak

jy vul my hele horison 
van kant tot kant 
en ek is lief vir jou