Litnet

Foto: Canva.com

Ek wens ek kan jou nog een keer sien
Ek wens ek kan jou nog een keer sien,
Maar nou sien ek jou net oor ’n skerm.
Daai laaste drukkie, voor ek my afstand moet hou.

Ek wonder is jou glimlag nog so pragtig ...
Maar nou bedek ’n masker die helfte van jou gesig.
Is jy nog so skraal? Of is eet ook al wat jy kan doen?

Ek wens ek kan jou nog een keer sien,
Maar ons mag nie ons huis verlaat nie.
Mense verloor hul werk en word siek ...
Nou isoleer ek vir 14 dae en hoop ek sien 15 dae.

Uiteindelik kan ek jou sien,
Maar nou moet ons elmboë gebruik om te groet,
Distansieer en heeldag saniteer.

My hart is gebreek en nie eens ’n entstof kan dit toesmeer,
Want jy is nie hier meer ...

Ek wens ek kan jou nog een keer sien,
Maar Covid-19 het jou geneem.