Al gehoor van
Tant Lenie en Tant Lafrye
die twee het mos altyd na
die posman gevry
Elke oggend vroeg opgestaan
baklei, baklei om deftig te lyk
en gewonder vir wie hy sou gaan
maar so deftig soos hul was
het dit woes gegaan in die huis
en toe gewaar die twee mos
die afgruwelike muis
mekaar gelos so gou soos nou
om die gedierte te vang
wat die kaas altyd so kou
vergete was die deftige klere
so ook toe sommer die poshere
die muis was te veel skande
soos hy geglip het deur hul hande
uitasem kom hul toe te stane
voor die deur soos twee hoenderhane
gewaar toe die posman met
die mooi nooi aan sy sy
hulle wou nog gil
toe glip die muis weer verby
hulle liefde toe verlore
so sing die kattekore
met die muis gevang
lê die twee stokflou in die gang.
(Redakteursnota: Die eerste weergawes van die verse is sonder enige veranderinge opgelaai.)