Du Toitskloof | LitNet Eerste Slukkie: Lang pad onnetoe deur Jason Reynolds

  • 0

LitNet publiseer uittreksels uit pasverskene boeke, uitgegee deur uitgewers wat LitNet ondersteun. Dié lusmakers verskyn op LitNet as eerste slukkies.


Jason Reynolds

Jason Reynolds is tans een van die bekendste en mees bekroonde jeugboekskrywers ter wêreld, en is die skrywer van die bekroonde boek, When I Was the Greatest, waarvoor hy die Coretta Scott King/John Steptoe-toekenning vir Nuwe Talent ontvang het. Sy boeke Boy in the Black Suit en All American Boys is ook met Coretta Scott King-eretoekennings bekroon. As Brave As You, sy fantastiese debuut vir intermediêre lesers, was ’n Time Book of the Year en wenner van die Kirkus Award. Ghost, die eerste boek in sy Track-reeks vir intermediêre lesers, was ’n National Book Award-finalis. Hy woon in Brooklyn, New York, en sê baie van sy werk is daarop gemik om seuns aan te moedig om meer te lees.

Die vertaler: Nathan Trantraal

 

Nathan Trantraal is in 1983 in Kaapstad gebore. Hy is tans een van die opwindendste jong stemme op die Afrikaanse literêre toneel. Sy debuut-digbundel, Chokers en survivors (2015), is met die Ingrid Jonkerprys en ’n ATKV-Woordveertjie vir poësie bekroon. In 2017 het sy tweede digbundel, Alles het niet kom wôd, verskyn, en in 2018 is ’n bundel met sy weeklikse rubrieke vir die Sondagkoerant Rapport gepubliseer as Wit issie ’n colour nie. Hy werk tans aan sy meestersgraad aan die Universiteit van Rhodes. In 2017 het Nathan Trantraal die jongste ontvanger van die Jan Rabie-en-Marjorie Wallace-skrywersbeurs geword.


Opsomming

Lang pad onnetoe
Jason Reynolds
Vertaler: Nathan Trantraal
Uitgewer: LAPA
ISBN: 9780799388800

Will is vyftien jaar oud. Hy het ’n pistool. Sy broer Shawn is pas vermoor. Will ken die reëls. Jy huil nie. Jy dra nie stories aan nie. Jy neem wraak. Dit is waarheen Will op pad is, met die pistool agter by sy jean ingedruk, die pistool wat sy broer s’n was. Hy klim in die hysbak, sewende vloer, vasbeslote. Hy weet wie se bloed hy soek.

Wag: weet hy regtig?

Die hele pad ondertoe, terwyl die hysbak op elke vloer stilhou, klim verskillende mense, wat elkeen iets met die geweld in sy buurt te doen het, in die hysbak. Elkeen van hulle vertel vir Will dele van ’n groter storie as die een wat hy dink hy ken…

Hierdie woedende, verbluffend briljante jeugroman word in kort, vurige staccato versvorm vertel om ’n rou, eerlike blik op vuurwapengeweld te bied, soos net Jason Reynolds dit kan doen. Nou is dit boonop fantasties in Afrikaans vertaal deur die bekroonde skrywer en digter Nathan Trantraal, wat dit vir Suid-Afrikaanse lesers soveel meer aktueel en herkenbaar, soos vanoggend se koerantopskrifte, maak.

Hierdie boek het al baie bekronings gekry:

* ’n Newbery-ereboek
* ’n Coretta Scott King-ereboek
* ’n Printz-ereboek
* ’n Los Angeles Times Book Prize-wenner vir jeugliteratuur
* Op die langlys vir die National Book Award vir jeugliteratuur
* Wenner van die Walter Dean Myers-toekenning
* ’n Edgar Award-wenner vir beste jeugliteratuur
* Parents’ Choice Gold Award-wenner
* ’n Entertainment Weekly Best YA Book of 2017
* ’n Vulture Best YA Book of 2017
* ’n Buzzfeed Best YA Book of 2017


Uittreksel

MY NAAM IS

Will.
William.
William Holloman.

Maa an my vriende en mense wie my ken, rêrag ken,

net Will.

Soe noem my Will
wan na jy gehoorit
wat ek jou nou gan vetel

gan jy
of my vriend wil wies of gladdie
my vriend
wil wiesie.

Either way, gan jy my rêrag ken.

*

EK’S NET WILLIAM

vi my ma
en my broe, Shawn, wanne hy getry et om snaaks te wies.

Nou
wens ek ek het meer gelag
vi sy dom jokes

wannie dag
voo giste,
was Shawn geskiet.

*

Doodgeskiet.

*

EK KEN JOU NIE,

ek kennie
jou laaste naam ie, en of jy
broes
of sustes
of ma’s
of pa’s
of cousins het

wie is soes broes

en sustes of anties en uncles

wie is soes ma’s

en pa’s,

maa assie bloed
in jou binneste innie binneste van iemand annes is,

wil jyritie
sien oppie byteste van hulle nie.

*

DIE HATSEE

is net soe swaa om te beskryf.

Vebeel jou jy skrik wakke en iemand,
’n vriemdeling,

druk jou vas, druk ’n paa pliers in jou mond,
en gryp ’n tand

êrens innie agteste, een vannie groot, belangrike tanne,

en ruk it yt.

Vebeel jou die geklop in jou kop,
die pressure wat druk dee jou ore,

die bloed wat pool.

Maarie ergste part, die ergste, ergste part

is jou tong wat heeltyd glip innie niewe leë space

*

waa jy wiet

’n tand behoot te is

maa nie mee issie.

*

IS SOE SWAA OM TE SÊ,

Shawn’s
dood.
    Shawn’s
dood.
        Shawn’s
dood.

Maa ek dink
nie surprising ie, wat ek dink
selfs snaakser is,

en selfs sadder.

*

EEGISTE

het ek en my vriend Tony
bytekant gestaan en praat
oo of ôs nou nog gan groei
noudat ôs vyftien was.

Toe Shawn vyftien was
toe groei hy mette voet, miskien een
enne half. Toe gie hy vi my
al sy klere wattie mee pas ie.

Tony het die heeltyd gesê hy hoep hy groei
wan al was hy die beste ballplayer hie rond
van ôs oudedom, was hy die kotste oek.

En ammel wiet
jy gannit ie maak
as jy soe klein issie unless jy rêrag
kan spring ie. Soes in

vlieg.

*

EN TOE WAS DAA SKOTE.

Ammel’t
gehaloep,
gebuk,
weggestiek,
lyfies
klein gehou.

Gedoen wat ôs ammel gelee
was om te doen.

Ôs druk ôs lippe
tienie sypaadjie en bid
die knal, gevolg dee
die buzz vanne bullet,
was mis.

*

NA DIE SKOTE

het ek en Tony
gewag soes ôs altyd doen,
virrie rumble om te stop,
voo ôs ôs koppe opgetel et
en wee ôs nekke ytgestiek et

ommie lyke te tel.

Die kee
was daa net een.

*

Shawn.

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top