Foto: Canva.com
drie-eenheid
ubuntu is ’n rower
patronaat is sy jonger broer
tender is hulle suster
en sy is die dorp se hoer
ubuntu besteel die people
patronaat vreet die volk se kos
tender naai tannies deur die ore
en weier om die drank te los
ubuntu is lief vir duur karre
patronaat moet hulle gaan haal
tender verduister die geld
wat die armes moes betaal
Kommentaar
Om verskeie redes spreek jou skets tot my, Jannie. Eerstens dat jy die vorm van jou strofes met soveel selfbeheersing orden. Tweedens dat jy nie terugdeins van die selfdissipline wat rym en ritme eis nie. Derdens, dat jou uitdagende inhoud nie polities korrek wil wees nie maar bereid is om in die bresse te tree vir gewone burgers. (Ek vermoed dus jy het óók reeds oor ánder gebeure geskryf - waarteenoor jy volledig positief staan, dus, waarmee jy jou heeltemaal vereenselwig.) Vierdens dat jy vermeende vergrype bevraagteken met die metafoor van twee broers en 'n suster: watter betekenisvolle beeldspraak! Baie dankie Jannie vir jou drie-eenheid!
Ek het hoë waardering vir jou gedetailleerde kommentaar, Louis. Baie dankie daarvoor.