Dorsgety

  • 0

Foto:Canva

Dorsgety

hier, waar ek en jy
onbewoë
op ons agterstewe sit
en opgetoë toekyk
hoe Godswater
oor Godsakker
sypelend wegstryk,
delf ons eintlik lankal
die gatkant
van die onderspit

dwarsdeur
die polsende are
van moederaarde
se onherwinbare hart;
waar minerale
edelmetale
en lawende waters
onder die oppervlak
stelselmatig sak 
en krimpend knak
(om ’n dorsgety te voed)
soos óns behoeftes
skaamteloos aanteel
en onverpoosd voortwoed

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top