Foto: Canva
Die vrou by nommer 11
Lank terug
het ’n polisiekar
in ons straat kom stop
Twee mans het uitgeklim
en aan die deur
van die musikale vrou
by nommer 11 gaan klop
Aan die vrou se gille
kon ek aflei
hulle het slegte nuus gebring
Na daardie oggend
het sy nooit weer
op haar stoep gesit en sing
Nooit weer het die vrou ’n noot
op haar kitaar gespeel
Ek dink die skietdood
van haar enigste dogter
was vir haar te veel