Litnet

Foto: Canva.com

Die mure maak sin
Binne die vier mure van my huis 
hoor stoele as die son spikkels lag ínskater 
voel banke as nag nikssêwoorde úitblaker. 
Veilig, maak ek my hier tuis.

Bokant die vaste fondasie van my huis 
ruik vensters eerste die somerreënstorm 
proe pilare die wegwyserwoorde wat vorm. 
Verlig, weet ek die’s mý huis.

Here, my wêreldwoonbuurt is wreed –  
maak doof my ore vir brandnetelwoorde 
maak stom my tong vir snedige snylyne. 
Strek vandag weer wyd uit U waterdigvlerke 
sodat ek veilig en vreesloos en vasberade 
my veilige vesting tyd’lik, selfs ewig kan verlaat.