Die ander kant

  • 4

vir Ralph

Jou laaste songs het somber ondertone
van ’n finale kleedrepetisie:
in “Die ander kant” sing jy in sober swart
al weerloser voor jou demone
in ’n naamlose bos, in & uit
fokus met oë wat pleit, weerloos groot.
Sommiges onder ons weet
vroeg reeds van ons dood.

Jy het jou aan ’n wattelboom
vasgemaak, van alles losgemaak;
& jy het jou woorde geword,
’n naam op ’n dossier. Maar hier
het die bos van die verbeelding
op die middag botstil geraak.

  • 4

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top