Bybel in Kaaps: Priedeke 1 en 2

  • 1

Koning Salomo op die troon, skildery deur Isaak Asknaziy

Priedeke 1

1 Die woorde vannie priedekant, die seun van Dawid, koning van Jerusalem.

2 “Alles betieken niks! Niks!”

Soe sêrrie een wat priek, “Alles betieken niks.”

3 Wat kry mense virrie wêk wat hulle soe doen, vi hulle harre wêk wat hulle voo swiet onnerie son?

4 Die een ginnerasie wôt gebore ennie anner ginnerasie gan dood, maarie aarde sal nog veiewig hie wies.

5 Die son kô-op ennie son gat sak, en haloep lat dit wee kan uitkô daa warrit moet opkô.

6 Die wind waai narrie suide toe, en draai narrie noorde toe, dit waai diekant toe en soentoe, maa dit draai maa net wee trug oppie selle pad.

7 Alle stroempies en riviere loep siee toe, maa die siee is nooit vollie.

Daa wattie riviere vandaan kô, soentoe gat hulle wee trug.

8 Alles is wêk, mee dan wat ’n mens kan sê. Die oeg kyk, maa sal nooit genoeg te sien kry nie, ennie oo hoo, maa sal nooit genoeg hoorie.

9 Wat al gebeerit sal wee gebee, wat al gedoen was sal wee gedoen wôt, daai is niks ôriginel onnerie sonnie. 

10 Is daa ienige iets wat mens kan sê, “Kyk hie! Die’s nou ôriginel!”? Dit was al lankal al hie, lank geliede, nog voo ek en djy gebore was.

11 Niemant onthou dies wat hie gewies hettie, en oek soe vi hulle wat nog moet kô sallie oekie onthou wôt deurie mense wat na hulle gat kommie.

Wysheid hettie betiekenissie

12 Ek, die priedeke, was koning oo Israel in Jerusalem. 13 Ek herrit op myself gevat om alles wat ek kon lee te lee, en met wysheid alles wat onnerie hiemel gedoen wôt te onnersoek en reg deu te dink. Got het ’n harre taak oppie mens gesit om hulle mien biesag te hou. 14 Ek het nou al alles gesien wat onnerie son gedoen wôt, maa daa is niks betiekenis in dittie, dis soes om agterie wind an te haloep.

15 Wat krom is kannie reguit gemaak wôttie, wat daarie issie kannie getel wôttie. 16 Ek het vi myself gesê, “ Kyk, ek het dan nou al mee wysheid dan ienige een wat voo my vi Jerusalem geregeerit. Ek het baie ervaring en kennis. 17 En ek het myself tot op die punt gebring om te vestaan wat wysheid en kennis is, en oek om te vestaan wat dit is ommie wysheid en kennis te hettie.

Maa oek dit, is soes om agterie wind an te haloep.

18 Wan met te veel wysheid kô daa vedriet. Die mee kennis djy het, die mee hartsee maak djy bymekaa.

Priedeke 2

2 Ekkit vi myself gesê, “Kô! Ek sal myself oogie an plesier om uit te vinne wat goed is vi my.” Maa dit het oek vi my niks gebringie. 2 “Van lag,” moes ek sê, “dis net maligheid. En wat bring plesier?” 3 Ek het proebee om myself hêppy te maak met wyn, en ek het soes ’n dwaas geliewe, maa my kop het my nog steeds gewys narrie wysheid toe. Ek wou wiet warrit is wat soe goed is vi mense om te doen op die aare, innie paa dae van hulle liewens.

 4 Ek het groot projekte gedoen. Ek het vi my huise gebou en vi my wingerde geplant. 5 Ek het tuine en parke geplant en het veskillende soote vrugte boeme daain geplant. 6 Ek het vi my damme gemaak ommie klompie jong boempies nat te maak. 7 Ek het vi my mans en vroumens slawe gekoep en hulle het in my huis kinners gekry wat oek my slawe geraakit. Ek het oekie mieste bieste en kleinviee gehad meeder dan ienige een voo my in Jerusalem. 8 Ek het vi my silwe en goud bymekaa gemaak, en oek dit wat ek gekry het vannie konings en provinsies af. Ek het vi my sangers en sangeresse gekry, en oek mooi meisies gekry met wie ek myself kon geniet. 9 Ek het magtiger en ryker geraak dan ienige iemand voo my in Jerusalem. Maa in alles die wat ek gedoen het, het my wysheid by my gebly.

10 Ek het niks van myself af gehou wat my oë gesoek hettie. Ek hettie my hart weg gehou vannie plesier affie. Alles wat ek myself mien biesag gehou het, het my plesier gegie. Dit was my betaling vi al my harre wêk. 11 Maa nog steeds, toe ek soe alles kyk wat my hanne gedoen het en waavoo ek gewêk het, het alles nog steeds niks bedoelie. Dit was nog steeds ’n gehaloepery agterie wind an. Hierie wêreld bring niks hêppienessie.

Wysheid en dwaasheid hettie betiekenissie

12 Toe begin dink ek rêrig oo wysheid, maligheid, en dwaasheid. Wan wat mee kannie koning se opvolger doen maa doen wat al klaa gedoen was? 13 Ek het tog gesien dat dit bieter is om wysheid te hê dan om dom te wies. Net soesie lig bieter is dannie donke. 14 Die wyse het oë in hulle koppe, die dommes loep innie donke in, maa ek het kô vestaan dat die selle lot tref hulle altwie.

15 Toe sê ek vi myself,

“Die lot vannie dwaas sal my oek slat. Wat is dannie punt om wys te wies?” Sê ek toe vi myself, “Maa dit betieken oek niks.” 16 Wannie wyse soesie dwaas sallie vi lank onthou wôttie. Wan die dae is al klaa hie wanne altwie vegiet sal wôt. Wan soesie dwaas, moetie wyse oek dood gan.

Om te wêk betieken niks

17 Soe, ek hettie liewe gehaat, wan alles wat in die wêreld gebeerit het, het vi my sleg afgeloep. Alles kô tot niks. Dis ’n gehaloep agterie wind an. 18 Ek het alles gehaat wat ek voo gewêk het onner die son, wan ek moet dit los virrie een wat na my kô. 19 En wie wiet of daai pesoon wys of ’n dwaas sal wies? Maa nog steeds sal hulle sê het oo allie vrugte van my hannewêk wat ek met sorg en vardigheid in gesit het. Dit het oek gien betiekenis. 20 En soe het my hart gesak met depressie soes ek gedink het an alle hare wêk wat ek in gesit het. 21 Wan ’n mens wêk soe hard en sit wysheid, kennis, en mens se vardigheid daain, en dan moet mens alles wat mens het an iemand oogie wat nog nooit daavoo gewêk hettie. Dissie reggie en dit betieken oek niks. 22 Wat kry mense van allie geswoeg en ploeg wat hulle doen in die wêreld? 23 Allie dae wat hulle wêk is vol van swaakry en pyn, selfs innie aane kan hulle koppe nie rustig raakie. Oek dit kô tot niks. 24 ’n Mens kan niks bieter doen dan om te iet en drink en oekie wêk wat hulle doen genietie. Dit oek, sien ek, kô vannie hand van Got af, 25 wan sonne Hom, wie kan iet en geniet? 26 Annie mens wat Hom tevriede stel gie Got wysheid, kennis en geluk, maa virrie sondaar gie Hy die taak om goed bymekaa te maak en op te gaar en dit oo te gie annie een wat vi Got tevriede stel. Oek dit kô tot niksie. Dis ’n gehaloepery agterie wind an.

Lees oek:

Bybel in Kaaps: Priedeke 3 en 4

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top