Foto: Canva.com
Broos
Klein blou sysie
hoe graag wou
ek jou in my meisie-
hande toevou
sonder skade of
verniel jou veertjie-
lyf so fyn,
tingerig nes die jare
wat verbyvlieg,
probeer ek jou vang
in skadunet-wip met
saadjies en ’n proppie
vol water vir jou dors
maar jare fladder
verskrik verby,
vasgevang in ’n strik
word ons oud
val die wip
die sysie morsdood.
Kommentaar
Ai Carla dit is so mooi. Dit is asof ek jou sien met die voëltjie wat jy probeer vang.
Baie mooi Carla!
WOW Carla! Dis baie MOOI!!! Well done!!
Baie mooi, Carla
Dit is 'n pragtige gedig vol onskuld en dan die onverwagse einde. Ek hou baie hiervan. Welgedaan!
Meesleurend Carla. Watter betekenisvolle uitbeelding van veroudering!
Dis pragtig Carla
So broos
Baie spesiaal
Dankie Carla - dit voel asof die gedig net vir my bedoel was!
Dankie Estelle. Lekker naweek vir jou.