Litnet

Foto: Canva.com

Bring vi my die lente

My deu staan oep vi djou, my kind 
Ek wens djy wil wee djou pad huis toe vind 
En as djy op ’n dag ’n drai kô maak 
Doen tog vi my ’n favour 
(Want ek hettie krag vi nóg drama nie) 
Los groot asseblief die winter daa 
En bring vi my die lente saam

As ek en djy net wee gesellig 
Buite oppie stoep kan staan 
Miskien ’n choppie kan braai 
En planne beraam 
Oorie onsieker toekoms 
Wat my snags lat wakke lê 
En my lat worry 
Want alles lyk soe donke 
En onbekend 
COVID-19 het ôs altwie op 
One way or another geskend

Ek is omring deu mense 
Tog voel ek soe allien 
Hoe gannit rêrag met djou 
En met my kleinseun Dio-Gene?

Voel hierdie jaar met al sy challenges 
Vi djou oek onbeskryflik lank? 
Wens djy oek soms djy kannie lotto wen 
Omdat daa niks geld is innie bank?

Ek velang om weerie lig vannie son 
Innie verte te sien skyn 
Miskien help ’it ommie trane 
In my gebroke hart te lat vedwyn

Djy is vry, my kind, om aan my deu te kô klop 
Soelat ôs hierie wrywing tussen ôs kan stop 
En vorentoe kyk na ’n niewe seisoen 
Mettie lug sonner wolke, die gras heldergroen

My kind, 2020 is ’n difficult jaar 
Nes djy, wonne ek oek hoe lank nog 
Voorie storm bedaar 
Ek wiet ôs is al deu erger dinge as dit 
Ôs maggie moed veloo nie 
Ôs moet aanhou gloe 
Aanhou hoep 
Aanhou bid

Voo ek vegiet 
Net soelat djy oek wiet 
Antie Dot sallie hierie jaar 
Die lentebloeisels deu haa venste sien 
Of die voëls innie boeme voo haa huis hoo sing 
’n Engel vannie dood het haa gan besoek 
En ’n einde aan haa pyn gebring

My deu staan oep vi djou, my kind 
Ek wens djy wil wee die pad terug huis toe vind 
En al kom djy oek volgende jaa hie aan 
Los asseblief die winter daa 
En bring vi my die lente saam