Litnet

Hallo

Wat hierdie onderwerp betref het ek werklik geen behoefte om daaroor te argumenteer nie, weens die stelling waarmee Cornelius Henn open, wanneer daar geskryf word, "daar is selfs diegene wat selfs Auschwitz en die moord op miljoene Jode met dieselfde trant wat jy hierbo voer as 'n klug afmaak". Dit is na aanleiding van 'n kommentaar deur my geplaas hier.

https://www.litnet.co.za/Article/brief-vars-nuus-vir-neo-afrikaners

Dit is duidelik dat Cornelius Henn net soos "Boervrou58" nie 'n idee het wat hulle doen nie, wanneer bogenoemde geskryf word en daar gepoog word om 'n argument te formuleer vir 'n "Wit Afrikaner Volksmoord" en volkome onbewus is van die absolute swak smaak waarin dit is en die skok om te doen soos in die inleiding gedoen, 'n verwantskap te probeer skep, tussen die wat die Holocaust ontken vandag en die wat kwansuis die "Wit Afrikaner Volksmoord" sou ontken.

Dit is te raar en onwerklik om te weet dat Cornelius Henn voer hierdie aan as 'n werklikheid.

Weereens skokkend.

Daar is 'n verskeidenheid van boeke in my versameling wat bogenoemde onderwerp aanspreek, waarvan "Genocide: A Comprehensive Introduction" van Adam Jones, een was. Wat die Holocaust betref kan daar verwys word na "War and Genocide: A Concise History of the Holocaust" van Doris L. Bergen. (Doris L. Bergen is the Chancellor Rose and Ray Wolfe Professor of Holocaust Studies.-University of Toronto).

Die lektuur oor die onderwerp is oorweldigend en kon daar na 'n verskeidenheid van ander publikasies ook verwys word en is slegs gebruik aangesien nie al my boeke beskikbaar is nie, maar selfs dan is die lektuur van so 'n omvang dat 'n enkele persoon nie reg daaraan kan laat geskied nie. Hierdie is dus 'n beperkte vertelling en kan aangevul word om 'n magdom ander aspekte te bespreek. Ek sou eerder uit Raul Hilberg se "The Destruction of the European Jews" wou put, maar dit is nie beskikbaar hier by my nie.

Die konteks waarin in Volksmoord afgespeel het word nou verduidelik.

Die fondasie vereis die teenwoordigheid van die volgende gedagtestrominge.

Anti-Semitisme en rassisme en 'n algemene klimaat waarin dit kon funksioneer, asook die teenwoordigheid van ander vooroordele en die politieke wil om die reaksie wat daarop voortbou te implementeer.

Indien daar by die begin begin word, dan is dit duidelik dat Nazisme se eerste teikens die met gebrek was. Hierdie kan in die lig van Sosiale Darwinisme gesien word en wat kreasionis nou nog misbruik om Charles Darwin en evolusie die skuld vir die Holocaust te gee. Die mense wat 'n gebrek gehad het is in die lektuur van die tyd beskryf as “living burdens”, “completely worthless creatures”. Mense wat dus volgens die oordeel van die tyd nie eers volkome mens was nie en met gemak kon vernietig word.

Die tweede groep wat 'n teiken was, was die Roma, en word die woord “Gypsy”, nie deur my gebruik nie, aangesien dit in wese 'n belediging teen die persoon en die groep is.

Weereens het Nazisme dus in die konteks van reeds bestaande vooroordele funksioneer met hierdie groep as die tweede teiken wat vir vernietiging uitgelig was.

Ook moet daar kennis geneem word van die beleid van Duitsland wat die dood van ongeveer 75% van die Herero's en 45% van die Nama's veroorsaak het in die 1907's en geskied het onder die mikpunt van "totale oorwining".

Ander vooroordele wat ryp was vir motivering vir optrede sluit in, rassisme wat die Afrikaan gesien het as 'n bedreiging wat die bloed van die nasie besmet en die Duitse nasie verswak. Ook was daar 'n weersin in Slawiese volke, Pole, Russe, Oekraïners, Tsjegge, Serwiërs.

Die laaste groepering is wat beskryf was “asocials”, asook homoseksuele, Jehovah Getuies, Vrymesselaars.

Bogenoemde skets 'n redelike donker prent van Europa en is verwyderd van die perfekte Europa wat aangebied word as die hoogtepunt van beskawing. Vooroordele en intense haat blyk in die bloedstroom te wees.

Wanneer die omstandighede van die twee tydperke vergelyk word, Europa, Duitsland in die aanloop tot WOII en die stand van Suid-Afrika vandag is dit duidelik dat daar geen vergelyking getref kan word nie en dat die klimaat wat nodig is vir 'n Volksmoord nie hier heers nie.

Soos alreeds gesien moet die politieke wil daar wees om te reageer op hierdie vooroordele wat in die bloedstroom is en tot werklike aksie oor te gaan.

In die volgende gedeelte word die uitlewing van daardie impuls bespreek. Dit is belangrik om kennis te neem dat met die uitbreek van WOII was die Nazi's alreeds van 1933 aan bewind. In hierdie tydperk kan dit aangevoer word, dat die samelewing in sy diepste wese omvorm was en Nazisme, die norm was en tereur en vervolging as algemeen aanvaar was en daardie aanvaarding gee aanleiding tot 'n gebrek aan belang en daarmee vrye uitlewing aan die in beheer om na hartelus te kon optree.

Met die veld oop vir optrede kon daar opgetree word. In 1935 word van die eerste wetgewing formuleer, "Law for Protection of German Blood and Honor", wetgewing wat die Duitse Jode isoleer van die res van die samelewing en ook huwelike en seksuele omgang verbied het.

Hiermee saam word "Reich Citizenship Law" geformuleer en word Duitse burgerskap daarmee afgeskaf vir Jode gegrond op sekere kriteria waaraan voldoen is.

Bogenoemde 'n bolangse aanbieding van die eerste drie hoofstukke. Hoofstuk vier bespreek die uitbreek van die oorlog en dan sekere bekende bakens wat bekend is aan die ingeligte leser. Hierdie bring die leser dan by 9–10 November 1938, bekend as "Kristallnacht".

Tesame hiermee is die uitbreiding van die konsentrasiekampe ook versnel, "Konzentrationslager", met name wat nou deel van die mensdom se bewussyn is, "Dachau", "Buchenwald", "Belzec", "Treblinka" en "Auschwitz-Birkenau".

Daar is 'n periode wat nie in hierdie skrywe aangespreek word nie, sodat daar by 1942 en dan by Wannsee arriveer word, wat 'n draaipunt in die "Finale Oplossing" is.

Daar is 'n film wat dit uitbeeld, getiteld, Conspiracy (2001) en is een van die films wat 'n blywende indruk op my gemaak het en nog steeds 'n verwysingspunt in my bewussyn is om die Holocaust te verduidelik. Die film is beskikbaar en kan hier gekyk word.

http://www.youtube.com/watch?v=tPIctGbAZEQ

Kyk dit asseblief.

Die kongres in Wannsee, 1942 maak dit duidelik aan die hand van Eichmann dat die "Finale Oplossing" het al 11 000 000 Jode in Europa as teiken. Dit is in hierdie kongres dat daar besluit is op die gaskamers, en daar besluit is om die slagoffers na hulle dood te vervoer. Die gaskamers het die belangrikste geword, maar metodes soos, skiet om tereg te stel, hongersnood, mense te laat sterf weens oorwerking, mishandeling en siekte is nog steeds gebruik.

Wat baie duidelik in die film uitkom is die industriële skaal waarvolgens hierdie uitwissing plaasgevind het en daarom dan die aanbeveling vir die wat sou belangstel om so 'n film te kyk, om begrip vir die werklikheid van moord op industriële skaal te kry.

Hierdie is 'n banale manier om dit te stel, maar dit is 'n produksielyn. soos 'n fabriek wat produseer. Die treine wat die materiaal bring, die skeiding en voorbereiding vir verwerking en die uiteinde. Die syfers is van so 'n aard dat die impak daarvan verlore gaan en dit sonder betekenis is en die onmenslikheid daarvan verbloem. Daarom stilte oor die syfers, dit is mense waarvan gepraat word.

Die volgende dan as 'n aanduiding van die tydsgees:

"German authorities tried to keep the operation of the killing centers secret, just as they had attempted to conceal the murder of people deemed handicapped and the mass shootings of Jews and others in 1941, but in no case was secrecy really possible. The killing operations were simply too big and involved far too many people to keep them quiet. Local populations watched full trains pull in and saw them depart empty. The air for miles around was thick with the ashes of burning bodies and heavy with the stench of death. Civilians of all kinds came from Germany and elsewhere for jobs in the camps. There were guards, of course, but also architects and engineers, suppliers, telephone operators, and secretaries. What did the German and Polish women think whose job it was to type up lists of the dead and prepare statistics of the numbers of people killed?"

Bogenoemde kan gelees word in die lig van die volgende aanhaling uit "A Century of Genocide: Utopias of Race and Nation" van Eric D. Weitz. (Dean of Humanities and Arts and Professor of History at The City College of New York):

"Despite still prevalent views that the Holocaust was a “secret” process unknown to most Germans or other Europeans, the violence associated with it was often quite public in nature:

While I was traveling through [Kovno] I went past a petrol station that was surrounded by a dense crowd of people. There was a large number of women in the crowd and they had lifted up their children or stood them on chairs or boxes so they could see better...

On the concrete forecourt of the petrol station a blond man of medium height, aged about twenty-five, stood leaning on a club,resting. The club was as thick as his arm and came up to his chest. At his feet lay about fifteen to twenty dead or dying people. Water flowed continuously from a hose washing blood away into the drainage gully. Just a few steps behind this man some twenty men, guarded by armed civilians, stood waiting for their cruel execution in silent submission".

In 1942 het twee jong Joodse manne ontsnap van Chelmno, maar is nie geglo nie.

Maar dit is nie waar die verhaal eindig nie, aangesien die volgende in berekening gebring moet word.

Jan Karski, die eerste getuie wat aan die Weste die waarheid van die gebeure meegedeel het. Tesame hiermee het Brittanje alreeds van 1941 boodskappe onderskep van Duitsland wat die metodes van die dag ontbloot het en ook ander soos Jan Karski, wat getuienis begin lewer het en ook belangrik in hierdie konteks, die media, in die VSA, Kanada en Switserland het rapporteer op hierdie verwikkelinge.

Dit beteken dit was bekend en moet die redes vir onmiddellike optrede ondersoek word en dien die volgende as 'n moontlike verklaring:

"A number of factors prevented the Allies from broadcasting their knowledge of slaughter of European Jews and other people. Most important, there was a war to be won, a war whose outcome was by no means clear in 1942 or even 1943. In particular military leaders in the United States and Britain emphasized the need to stay focused and avoid being distracted by “sideshows.” No doubt some individuals were indifferent to the fate of Europe’s Jews or even had antisemitic notions of their own. Nevertheless it is probably fair to assume that many people simply could not grasp the unprecedented nature of this war of annihilation, and even those who could tended to be preoccupied with their own issues and struggles".

Daar kan nie met bogenoemde volstaan word nie en is daar ruimte vir verdere ondersoek. Wat nie geduld kan word nie is die poging van "Boervrou58" & Cornelius Henn om 'n verwantskap te probeer skep tussen een van die groot tragedies in die mensdom se geskiedenis en dit wat nie bestaan in Suid-Afrika nie.

Dit gaan die verstand te bowe en is benede verdere gesprek en sluit ek hiermee af en sal nie verder op hierdie onderwerp reageer nie, weens respek aan alle slagoffers.

Baie dankie