ISSN 1995-5928Ingesluit LitNet Akademies
Tuis > SêNet-briewe

Die wetenskaplikes op die werf is dom

Varkspek 2014-05-14
  • 5
Shares0Pin0Print0LinkedIn0

Of dan sonder 'n sin vir humor. Hulle verstaan nie wanneer Jan Rap tong in die kies praat nie, soos as hy vertel van sy berekening van hoe oud die aarde is, of die wonderlike (ongelooflike) dinge wat hy op TV gesien het. Word wakker kêrels!

Nou ja, sy geteem oor die stand van Afrikaans en die gemors in die land is al holrug gery en verveel mens bietjie, hoewel ek merendeels met sy sentimente saamstem.

Jan, jy moet by dit alles darem ook kennis neem dat die ANC baie positiewe dinge vermag het. Miljoene huise is vir armes gebou, baie meer mense het toilette en lopende water - sommer baie, baie meer. Daarby het miljoene ook nou 'n inkomstetjie met die pensioene en toelaes wat betaal word, hoewel dit natuurlik 'n baie omstrede kwessie is. Ek self het geen beswaar as pensioene betaal word aan oues nie, of ongeskiktheidstoelaes aan die wat dit verdien. Oor die baie wat kindertoelaes ontvang, is ek egter bekommerd, myns insiens moedig dit die armstes van die armes aan om buite-egtelike kinders te hê, sodat hulle darem ook 'n inkomstetjie kan kry. Ons land is al amper oorbevolk, daarom moedig ek mense aan om gay te word.

Groete,

Varkspek

Shares0Pin0Print0LinkedIn0
  • 5

Kommentaar

  • Reusedwerg

    Spekkies ek stem heelhartig met jou saam. Hier is te veel mense op die Net wat hulself te slim hou en dan soos jy seg boonop humorloos is. Jan Rap kry dit meesterlik reg om die ouens se gatte te krap en dan trap hulle in die slaggat. Ek stem ook saam daar is 'n moerse klomp goed wat beter is as in die ou dae. Gelukkig het ek nie meer die gemoedsbekakking wat baie ander het nie. Ek is redelik tevrede met my sigselwers en vlieg onder die radar. Ek wil net nie dat daar aan my gekarring word nie. 

    Reply
  • Wouter Ferns

    Hello, 

     
    Ongelukkig praat Varkspek te gou, indien die persoon agter "Jan Rap" nie uitkom en duidelik stel waaraan daardie persoon glo nie. Ironie is goed en wel, en daar kan speels omgegaan word met wat 'n persoon se werklike standpunte is, maar daar kom 'n tyd waar daar verlang word dat dit duidelik gestel moet word en dan is ironie en speelsheid nie meer 'n skuiwergat nie. 
     
    Tot dan, speel die persoon albei kante en is in essensie intellektueel oneerlik of nie braaf genoeg om sy vergesogte idees duidelik stel nie. 
     
    Die tipe wat glo aan VVV(iljins), sameswerings, breinspoelings, ontkennings van wat die wetenskap opgelewer pas "Jan Rap" soos 'n handskoen. 
     
    Die tipe is wel bekend. 
     
    Baie dankie
     
    Wouter
    Reply
  • George Bekker

    Varkspek ek het vir jou 'n antwoord. Jy kry "wetenskaplikes" en wetenskaplikes. Op hierdie werf is die meeste van hulle in die eersgenoemde groep.

    Die feit dat jy reeds so lank op hierdie werf is en aanhou, ten spyte van die naam wat jy vir jouself gekies het sê nogal iets. Sterkte. George B

    Reply
  • Varkspek

    Hoekom moet 'n mens nou kwansuis 'amptelik' verklaar waaraan jy glo?

    SêNet is nie net vir ernstige sake nie, maar ook vir pret, soos getuig word deur die baie humoristiese stukke wat oor die jare hier geplaas is.

    Ek is min of meer van 2002 af al betrokke by LitNet/SêNet en het talle briefskrywers van baie soorte sien kom en gaan. Min van hulle was ooit so temerig en vervelig soos jy, met jou lang uitgerekte braaksels wat jy hier plaas en wat ek in elk geval nie meer lees nie. In daardie opsig klassifiseer ek jou saam met Kobus de Klerk as iemand om te vermy.

    Onthou, in hierdie land kan mens jou werk verloor as jou politieke standpunte rugbaar word. Daarom skryf heelwat ouens onder skuilname. Ek self doen dit vir die pret, hoewel omtrent almal, behalwe blykbaar jy, al lankal weet wat my regte naam is.

    Buitendien, party van ons het nog nie eintlik besluit presies wat ons glo nie. Ek self wik en weeg tussen Yljins en 'n goedaardige God. (Volgens Kobus, natuurlik, is God nie goedaardig nie, maar is hy 'n bose, jaloerse en wraaksugtige entiteit).

    Geen groete vir jou nie.

    Varkspek

    Reply
  • Wouter Ferns

    Hello Varkspek, 

     
    Ek weet werklik nie wat jou naam is nie. het dit seker gemis toe jy dit op 'n stadium laat val het, soos "Jan Rap" gedoen het en uiteindelik 'n sensuur daarop geplaas het. 
     
    Wat die skryf onder jou eie naam doen, is om 'n persoon te laat dink wat hy of sy sou skryf en dit toets hoe braaf jy werklik is en verhinder die ergste vergrype wat skuiling agter 'n skuilnaam bring. 
     
    Verduidelik vir my die aard van die persoon wat nie die moed het om onder sy eie naam vergesogte stellings te maak nie, want daar is 'n mate van lafhartigheid. So lank niemand weet wie ek is nie, kan enige nonsens geskryf word en word die persoon nie getoets nie. 
     
    'Soos alreeds aangedui, ironie en speelsheid het sy plek en sal ek dit nooit verban nie, maar 'n gesprek moet ook in goeie trou plaasvind vir die gesprek om enige werklike blywende waarde te bring. 
     
    Anders kan die persoon kort-kort terugspring en verklaar, "maar ek is nie ernstig nie". 
     
    Dit is nie die aard van opbouende gesprek nie. 
     
    Jou mater, "Rap", is baie duidelik oor sy politiek en taal, en kan nie ophou om te besvestig dat apartheid nie bestaan het nie, dat Afrikaans "verdring" word en dat die land 'n gemors is. 
     
    Waarom, daardie sekerheid, maar dan kan daar gespeel word met "yljins", wolhaarstories soos sameswerings en vreemde programme, dit is die tekens van 'n persoon wat nie versigtig is met wat die persoon inneem nie en dit bied 'n aanduiding van watter tipe gesprek daar met so 'n persoon verwag kan word. 
     
    Indien die persoon enige wolhaarstorie aanvaar, dan is dit iemand wat ek sal vermy, soos jy aangedui het, jy my vermy vir ander redes. 
     
    Daar is werklik 'n verwagting dat persone met groter omsigtigheid met die kennis van die bestaan sal omgaan en dit in goeie trou aanbied in gesprek en hul sifting verklaar. 
     
    Anders word enige ou nonsens aangebied en die persoon nooit verantwoordelik daarvoor gehou nie en dit is nie 'n goeie gesprek nie en kan die oortreder sy mantel draai soos die wind waai, aangesien Varkspek dink dit is aanvaarbaar. 
     
    Indien dit vir jou 'n goeie gesprek is, dan wens ek jou die beste toe en is ek dankbaar dat jy my ignoreer. 
     
    Baie dankie
     
    Wouter
     
     
    Reply

    • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top