Litnet

(Beste Jaco

Alhoewel ek hierdie al 2 dae terug geskryf het, is ek steeds versigtig om dit in te stuur. Die onderwerp lê na aan my hart en wil ek dit nie graag vir die wolwe gooi. Ek voel egter verbind aan my belofte waarin ek jou laat weet het ek sal terugskryf.)

Jaco het gevra wat is die verskil tussen die ‘gees’ en die ‘siel’ van die mens. Daar is vele sieninge, selfs vanuit die preekstoel, maar dink ek dit is een van daardie onderwerpe wat nooit ’n finaliteit of alwetendheid sal bereik. Kennis en ondervinding word beide as noodsaaklik hierin gesien.

Hierdie brief het niks te maak met ’n godsdiens, geloof of dogmatiese leerstelling nie. Veel eerder is dit ’n studie omtrent die drievoudige samestelling van die mens. Dit word wel bespreek aan die hand van bybelskrifte, aangesien dit die enigste boek is wat die skeiding duidelik oopbreek: “For the word of God is living and active, sharper than any two-edged sword, piercing to the division of SOUL and SPIRIT, of joints and marrow, and discerning the thoughts and intentions of the heart.” Heb 4:12

Die skrywer van hierdie vers verdeel die mens se nie-stoflike elemente in 2 dele nl die siel en gees wat albei  in natuur en funksie verskil. Hou in gedagte dat die rasionele net so belangrik soos die spirituele is, daarom sal die opgewondenheid van die siel, indien dit die gees se gevoel uitdruk, uiters waardevol wees; en die gedagtes van die siel, indien dit die gees se bedoeling ontbloot, kan baie instruktief wees vir die ‘self’.

Geniet hierdie skrywe, moenie dit sien as dinge waarvan ek jou wil oortuig, ontdek eerder jou eie kreatiwiteit tussen die lyne van: HOE is ek aanmekaar geweef in my moeder se skoot. Begrip in die ruimte van my drie-dimensionele sfere asook hul skeiding is van uiters belang om myself te ontdek en daaglikse optredes van die ‘self’ te verstaan en te beheer.  

Hoe het my siel ontstaan?

“And Jehovah God formed man of dust from the ground, and breathed into his nostrils the breath of life; and man became a LIVING SOUL.” (Gen 2:7) Wanneer die lewensasem ontvang word, ontstaan die lewende siel. Let wel dat die mens se gees is nie die Heilige Gees nie (wat gesien word deur gelowiges  as die derde Persoon in die goddelike 3-eenheid). Sodra die gees van die mens in aanraking kom met die lewelose liggaam, ontstaan die lewende siel. Die liggaam sonder die gees is dood. Die siel weef die liggaam en gees aanmekaar, word die ontmoetsplek van die gees en liggaam en word die individualiteit van die mens gebore.

’n Eenvoudige voorbeeld is kleurstof wat met water meng en ’n derde substansie naamlik ‘ink’ ontstaan. Hierdie afhanklike elemente van mekaar nl die gees en liggaam wat saamkom, baar die lewende siel wat die “EK” is.

Is dit nodig dat ek uit 3 dimensies moet bestaan? Ja, want elke deel is verantwoordelik vir sy eie funksies en werkinge op my lewenspad. Deur my liggaam maak ek kontak met die materiële wêreld en stoflike aarde om my. Die siel wat my intellek en bewuste huisves ondersteun my huidige teenswoordige staat van bestaan en bevat my emosies wat voortvloei vanuit die sintuie. Die gees is die diep verborge innerlike wese van my bestaan wat kontak maak met die onsienlike wêreld.

Omrede die siel aan die mens behoort, is dit die woonplek van self en openbaar my persoonlikheid en karakter, wat die ‘selfbewuste’ genoem word. Die gees van die mens is alleen in staat om kontak met die geesteswêreld te maak en word die element van ‘spirituele bewustheid.’ Sien ook dat die bybel verklaar dat God is Gees, en kan gees net met Gees kommunikeer.

Beter begrip kom dan hoe kontak met afgestorwenes plaasvind, alhoewel ons nie hier daarop ingaan. In die meeste godsdienste is daar religieuse praktyke of rituele en spesiale mense wat daarop aanspraak maak dat hul oorlewendes kan kontak. Dit is so dat die dood van ’n geliefde die mees emosioneel-traumatiese ervaring is wat op aarde beleef word en raak dit die mens in sy gees en siels-emosies dieper as enigiets anders.

Maar ja, ongelukkig is dit so dat die liggaam gesondheid en siekte kan beleef, die siel emosionele probleme kan optel maar ook emosioneel intelligent kan word, en die gees interaksie kan verkry met beide lig of duisternis. Daarom verbied God hierdie kontak met die onsienlike wêreld. Dis gevaarlik. My stelling is dat indien die fisiese siek is, is die medici daar, indien die siel skade gely het, is die psigiater of berader daar en as die gees bindinge ondervind is die bevryder daar. Voordat genesing dus gesoek word is dit belangrik om eers te bepaal in watter deel van die dimensie die ‘siekte’ of wortels lê. (En hierdie een gooi ek net vir nou in Jaco: Kom ons vat jou homoseksualisme. Is dit gesetel in die liggaam, siel of gees? Daarom is ek versigtig in uitsprake hier. Dit hang af wat en waar die wortel groei.)

Henry W Wright se boek: A more Excellent Way to Be in Health, beweer dat meeste van ons fisiese siektes hul oorsprong vanuit die psige (siel) het of gees (geestesversteurings). Ons weet dat baie chemiese medikasie net simptome onderdruk of die pasiënt help om daarmee saam te leef. Interessant die woord “disease” beteken ’n tekort aan “ease” of aan “vrede”. Indien ek nie leef in vrede is dit nie ’n mediese saak nie, maar veel eerder ’n geestesafwyking. Vat depressie of vrees van ons tyd. Gaan dit my help om slaappille te drink? Hoe lank wil ek dit drink? Totdat verslawing kom en alles vererger? Waar is genesing vir depressie? Die oorsaak mag vlak lê, miskien net in die siel, genesing hier is maklik, maar dit kan dieper in die innerlike kern van jou wese skuil, dan sit dit vas in die gees. Daarom noem die Woord: ”Ek het julle nie ’n GEES van vreesagtigheid gegee nie, maar van liefde, vrede, selfbeheersing...” Die engelse bybel praat van ’n ‘sound mind’.

Omtrent die gees van die mens

Geen dier besit ’n gees. Dit is juis wat die dier onderskei van die mens. Daarom is dit onmoontlik om vanuit ’n dier te ontstaan. Die gees kan nie direk deur die liggaam opereer en benodig die sielsmedium. Gees bewoon gees, self bewoon die siel, sintuie bewoon die liggaam.

Die gees van die mens word soms met ‘hart’ vertaal in die bybel waar die innerlike getuienis gesetel is of wete. Die gees is ontwerp om te heers, terwyl die siel met sy emosies en begeertes ondergeskik moet wees, anders is daar wanbalans. Ek (Trienie) sal my gees (wanneer nodig) aanspreek om op aandag te staan wanneer my siel in ’n emosionele oorlogsveld gewikkel is en dit dan ’n verstandelike stryd teenoor ’n geestes geveg word. Dit stel my in staat om my emosies te ontleed, rasioneel na dinge te kyk en in beheer van gevoelens te bly. Glo my, ’n oefening waarsonder ’n vrou nie eintlik kan. Dis belangrik om te weet vanuit watter drie bronne inligting of stemme na my kom. Dink terug aan Raed-na-Gael (ek meen dis hy) se brief van nou onlangs ivm sy droom. Vanuit watter bron het hy dit ontvang? Vanuit self (siel/onderbewuste) of vanuit die duisternis of vanuit die lig. Ons praat nie drome, maar as ’n droom duidelik en helder na jou kom en jy gereeld daaraan terugdink, is dit ’n goeie teken dat dit ’n droom vanaf die Heilige Gees is. Die Dromer sal weet. (Studeer gerus Job 33:14-18)

Die gees van die mens is nie beperk tot die sfeer van die siel of liggaam nie. Dit strek verder uit. Hier wil ek nie te veel ingaan maar net kortliks noem dat dit die rede is waarom die kognitiewe (siel) soms dinge vooruit weet, dit mag genoem word om iets te ‘onderskei’ of innerlik bewus van te word, wat vanuit die  9 Geestesgawes vloei. Sommige praat van ’n ‘voorgevoel’ of sesde sintuig. Dit word genoem die ‘woord’ van Kennis of die ‘woord’ van Wysheid deur my gees ontvang. Genoeg gesê.

Loer vir ’n oomblik na die volgende skets omtrent die samestelling van die mens:

Daar kan vele geskryf word oor die funksies van die gees en ondervinding dmv: Intuïsie, gewete en gemeenskap. Weereens het ons die Skrif nodig en wil ek nie daarop ingaan, aangesien daar vele lesers is wat alreeds tot hier sukkel om te sluk. Eintlik is hul al vies vir my. Miskien moet jy ook net tot hier lees, Jaco.

Baie mense sit met ’n ‘slumbering spirit’. Het geen ‘pheuma’ in hulself en gebruik ek gewoonlik ’n geel ballon as voorbeeld wat afgeblaas is. Die wedergebore gees plaas my egter in ’n unieke posisie. Spr 20:27 verklaar dat “die gees van die mens is ’n lamp van die Here, dit deursoek al die kamers van die binneste.” Adam sterf agv die sondeval na sy innerlike wese en gees, die kern van sy menswees. Want God het hul geesgemeenskap (wandel in die tuin) onttrek. Terwyl die mens lewe, is sy gees altyd in sy liggaam. Slegs dood kan skeiding bring wanneer ek die gees gee.

Alle geestelike lewe is verborge lewe. 1 Kor 2:1 “Want wie van die mens wat wat in ’n mens is, behalwe die gees van die mens wat in hom is? So weet ook niemand wat in God is nie, behalwe die Gees van God.”

Petrus praat van die “verborge mens van die hart”. Die mens woon in ’n tentwoning wat tydelik van aard is, net soos enige materiële woning met tyd vergaan, maar sal die gees nooit sterf. Daarom dat Paulus praat van die dinge wat ons ‘sien’ is tydelik, maar die onsienlike is ‘ewig’.

Wie is ek? Ek is die mens aan die binnekant. Die verborge mens van die hart. God se natuur is liefde. As my gees wederbaar word ontvang ek ’n stukkie van Gods liefde asook ’n oorvloedige ewige lewe. Adam word herstel.

Die gees dra sy eie stem van gewete, intuïsie en leiding. Ander mag dit ’n “hunch” noem, ’n voorgevoel, ingewing of dalk vermoed ek iets of weet dat ek weet dat ek weet. Dis jou gees. Gelowig of ongelowig, ons almal is geeswesens en WEET dinge deur die gees. Sommige beoefen net hul geestessintuie om fyner te luister. Ek dink ons moet meer begin luister na ons innerlike stem wat ons waarsku, sodat ons minder foute en verkeerde besluite neem in optredes en reaksies.

Daarom word die gees van die mens gesien as die mees eerbare van sy totale wese.

Hierdie brief was slegs ’n inleidende kykie in die verborgenheid...

Trienie Mahne

(Nou toe – stenig my met vrot tamaties! Ek kan dit vat. My gees is sterk.)