Bokomo-brekfisbrief; 23/05/2010: Vernie Plaatjies

  • 0

Afrikaans het hierdie week 'n groot digter verloor: Vernie Plaatjies, 47, gebore op Bredasdorp, gestudeer aan UWK, skoolgehou oralste op die Kaapse Vlakte.

Uit een van sy ongetitelde gedigte, wat ek uit die destydse Die Suid-Afrikaan onthou: hier maak die lewe nog bang-bang besluite / terwyl ons die ene jollie-lekker aarde / met moerkoffie in ons hande / bry oor halflyfonderdeure / en gaap / terwyl die son eier-oop / in die douvarsmis van soggens kraak ...

Ek groet hom as ‘n mede-Overberger, die geboortewêreld van ander grotes, soos PJ Philander, dr Con de Viljee, Marlene van Niekerk, Petra Muller en Audrey Blignaut.

Rus in vrede, my ma se kin'.

Heindrich Wyngaard

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top