teen helling draai Mens, voor Mens grot ingaan,
Eerste Mens se laaste vesting, kasteel, skuilte,
prehistories inrigting, sjamaan-ateljee, studio,
figure teen rotswand, op mees geskikte plek,
begin Eerste Mens eerste keer eerste lyne trek,
sinvol vorm gee aan droomsimbool, geskiedenis,
soos dit voor Mens afflits, in lig van fakkelvuur,
soos Mens dit agterlaat, kort voor sterwensuur
Eerste Mens, sjamaan, banneling uit Paradys,
soos /Xam, Afrika-taal, progressief weer herrys,
“Boesman”-bordjies verhang, diorama herrangskik,
vryheidslied weer sing, in Vryheidspark-binnekring
noulat “Bossiesman” as oneties, illegitiem,
as anti-NDR, rassisties, seksisties, onmenslik,
verklaar is, Eerste Mens weer menswaardig, Mens,
voorouers ook, herstel tot Homo Sapiens Sapiens,
vlees en gees, soos dit sedert Eeu 17 moes wees
besef Mens: hoe belangrik Khoisansjamaan,
inter-trans-aktivis, medium, bemiddelaar,
droomuitlêer, reënmaker, bewaringsaktivis,
vir elke Eerste Mens, Sapiens Sapiens, is,
vir oorlewing van ’n eeu-oue samelewing,
vir aanpak van pad na Gewete-herwinning,
geregtigheid, naasteliefde, égt’ versoening
Jacobus Faasen