Foto: Canva
Boek sonder titel
Daar is ’n boek in my kop
gevul met hoofstukke oor jou
eens beloftes van trou
geëindig in trane van rou
harde woorde rol los van jou tong
die blik in jou oë pleit skuldig
skielik lees jou foon “uitstedig”,
nes jou splintervrye hart
die lêers in my kop moet ek nog
Skrap. Delete. Erase.
maar die boek is reeds gedruk ...
die ink nog nat,
nes die bloedspoor in my hart
die titel?
“Boek sonder titel”
Kommentaar
Besonders. En van pas. Pragtige woorde en vat aan my hart.