Tobie Wiese
Tobie Wiese het aan die Vrystaatse Universiteit kommunikasiekunde gestudeer en daarna in verskeie hoedanighede by Die Volksblad, Die Burger, Huisgenoot (as nuusredakteur) en Insig (as adjunkredakteur) gewerk. Hy het drie jaar klas gegee in die Joernalistiekdepartement aan die Universiteit Stellenbosch. Vir sy joernalistieke skryfwerk is hy onder meer met ’n FAK-, Pica- en Mondi-prys bekroon.
Sedert 2010 is hy ’n deeltydse taalpraktisyn. In dié hoedanigheid is hy van verskeie boeke die skrywer, medeskrywer, redigeerder of samesteller. Dit sluit in: Die verhaal van Elandskloof; Die Bike-boek; Geheime revolusie asook Vreedsame revolusie (met Niël Barnard), Emily Hobhouse ̶ geliefde verraaier (van Elsabé Brits) en Quiet activists (deur Peter Present.) Hy is ook die samesteller van die trefferboek Wreed én mooi is die dood (2019).
God gevind deur Frits Gaum: ’n lesersindruk
2026-02-10"Vir my is een van Gaum se aantreklikste eienskappe sy vermoë om te twyfel; gevolglik word dit ook ’n bate van die boek."
Wreed én mooi is die dood: ’n onderhoud met Tobie Wiese
2019-07-08"Die besef van ons nietigheid en kortstondigheid kan een van hoofsaaklik twee reaksies by ons uitlok: ʼn mengsel van woede en verslaenheid omdat ons magteloos is teen die dood, of volslae dankbaarheid dat ons lewe – ʼn kosbare geskenk waartoe ons niks bygedra het nie."
’n Onwaarskynlike gesprek met Karel Schoeman
2017-05-05"Byna-byna het ek Die verhaal van Elandskloof aan Karel Schoeman opgedra."