Litnet

Thys Human is sedert Januarie 2013 medeprofessor in Afrikaanse en Nederlandse Letterkunde in die Skool vir Tale aan die Noordwes-Universiteit. Hy het in 2007 ’n proefskrif getiteld “‘Om in woorde te rou’: Verlies in die oeuvre van Lettie Viljoen/Ingrid Winterbach” onder promotorskap van Willie Burger voltooi. In 2008 is die Elisabeth Eybers-beurs vir postdoktorale studie in Utrecht (Nederland) deur die Suid-Afrikaanse Akademie vir Wetenskap en Kuns aan hom toegeken vir ’n navorsingsprojek getiteld “Die narratiewe verwerking van verlies: Is heling moontlik?”. Hy is die redakteur van Stilet (die amptelike lyfblad van die Afrikaanse Letterkundevereniging) en die skrywer van ’n twintigtal artikels in geakkrediteerde vaktydskrifte en van etlike resensies in dagblaaie soos Beeld, Rapport en Die Burger. Hy is lid van die keurpaneel vir die UJ-Pryse vir Skeppende Skryfwerk, die kykNET/Rapport Boekprys en die ATKV-Veertjies.