Santie van der Merwe
As jong tuisblyma van twee, steek Santie voelers uit en publiseer ’n paar kortverhale in tydskrifte. Toe haar jongste kind universiteit toe gaan, skryf sy in vir die Bloemfonteinse Skrywersvereniging se jaarlikse skryfwedstryd en wen tweede prys vir haar kortverhaal, ’n Dag in Junie. Dit was net genoeg motivering om haar haar hekelpen te laat neersit en haar hand aan ’n roman te waag.
Haar eerste boek, Gelyke kans en die opvolg daarvan, Vandat jy weg is, verskyn in 2015, en sy besef sy kan nie ophou skryf nie. In 2016 verskyn haar derde boek, Anderkant vergeet, in 2017 verskyn die vierde boek, Ver in die wêreld Kittie, en die vyfde, Die einde van die storie. In 2018 verskyn haar sesde boek, Al wat oorbly. ’n Goeie jaar vir rose verskyn in 2019.
Gelyke kans is in 2016 en Anderkant vergeet is in 2017 genomineer vir ’n ATKV-Woordveertjie.
Haar kortverhaal, Pers, is opgeneem in die Universiteit Stellenbosch se 2017 Woordfeesbundel en Die geur van Patchouli word opgeneem in die 2018 Woordfeesbundel. Haar verhaal, Ontkenning, verskyn in 2020 in die Toyota US Woordfeesbundel.
’n Onderhoud met Santie van der Merwe, skrywer van Weg is nie ’n plek nie
2025-09-23"'Skryf kan ’n eensame proses wees. Dit is jy, jou verbeelding, die woorde en die storie,' vertel Santie. 'Jy moet hou van jou eie geselskap.'"
Toyota US Woordfeesbundel 2020: ’n onderhoud met Santie van der Merwe
2020-01-28"My skryftyd is gewoonlik soggens, maar op ’n Vrydag het ek laatmiddag in die tuin gewerskaf (tuinwerk is vir my ’n ongewone aktiwiteit) en die verhaal was net daar, so tussen die dooie roosblare."
Tien vrae: Santie van der Merwe oor gelyke kans
2015-05-13"Jy kan tog nie ‘n geloofwaardige karakter skep as jy jouself nie in sy of haar skoene kan indink nie. Dit was vir my skrikwekkend om te dink hoe maklik dinge kan skeefloop."